Talanoa Fakatohitapu mahuʻinga:

• Sios. 24:15—ʻOku fakamaʻalaʻala ʻe Siosiua ʻa e fili ke faí ko e tauhi kia Sihova pe ko e ngaahi ʻotua kehé

• 1 Tuʻi 18:​19-40—ʻOku ngāueʻaki ʻe Sihova ʻa e palōfita ko ʻIlaisiaá ke fakahaaʻi ko e kau lotu ki he ʻOtua moʻoní kuo pau ke ʻoua te nau kau ʻi he lotu ki he ngaahi ʻotua kehé, hangē ko Pēalí

Talanoa Fakatohitapu mahuʻinga:

• ʻEki. 32:​1-10—Ko ʻĒlone, ʻi hono tenge ia ʻe hono kaungā-ʻIsilelí, ʻokú ne ngaohi ha ʻīmisi ʻo ha ʻuhikiʻi pulu pea ngāueʻaki ia ki ha “kātoanga kia Sihova,” ʻo ʻai ai ke Ne houhau kakaha

• 1 Tuʻi 12:​26-30—Ke taʻofi ʻa e kakaí mei heʻenau ʻalu ki he temipale ʻi Selusalemá, ʻoku ngāueʻaki ʻe Tuʻi Selopoame ha ngaahi ʻaitoli ke fakafofongaʻiʻaki ʻa Sihova, ʻo taki atu ai ʻa e kakaí ke nau faiangahala

Talanoa Fakatohitapu mahuʻinga:

• 1 Tuʻi 11:​1-9—Ko Tuʻi Solomone, ʻi hono tenge ia ʻe hono ngaahi uaifi mulí, ʻokú ne fakatupu houhau kia Sihova ʻaki ʻene poupouʻi ʻa e lotu ki he ngaahi ʻotua kehé

• Saame 78:​40, 41, 55-62—ʻOku fakamatalaʻi ʻe ʻĒsafe ʻa e anga hono fakamamahiʻi ʻa Sihova ʻe he angatuʻu mo e tauhi ʻaitoli ʻa ʻIsilelí pea ʻai ai Ia ke ne siʻaki Hono kakaí

Talanoa Fakatohitapu mahuʻinga:

• Ngā. 11:​20-23, 25, 26—Ko e ngaahi fakatahaʻanga ʻi ʻAniteoke mo Selusalemá ʻoku nau mātuʻaki fāʻūtaha mo ngāue fāitaha

• Loma 15:​25, 26; 2 Kol. 8:​1-7—Ko e ngaahi fakatahaʻanga kehekehe ʻi he ʻuluaki senitulí ʻoku nau vahevahe atu ha ngaahi meʻaʻofa foaki nima-homo ko e tokoni, ʻo fakahaaʻi ai ko e ʻofá ʻokú ne fakafāʻūtahaʻi ʻa e ngaahi fakatahaʻangá

Talanoa Fakatohitapu mahuʻinga:

• Māt. 13:​24-30, 36-43—ʻOku ngāueʻaki ʻe Sīsū ha talanoa fakatātā ke fakahaaʻi hangē pē ko e tupu hake ʻa e teá ʻi ha ngoue, ko e kau Kalisitiane lau pē tokolahi te nau ʻasi hake ʻo hūhū mai ki he fakatahaʻangá

• 1 Sio. 2:​18, 19—ʻOku fakahaaʻi ʻe he ʻapositolo taʻumotuʻa ko Sioné ko e ngaahi fili tokolahi ʻo Kalaisi naʻa nau ʻosi hā mai ʻi he ngataʻanga ʻo e ʻuluaki senitulí