Ko e kakai takatakai ʻi he māmaní ʻoku nau ongoʻi taʻelata pea fakamavaheʻi kinautolu mei he niʻihi kehé. ʻOku tui ʻa e kau mataotao ʻe niʻihi ki he moʻuí ko hono tokoniʻi ʻa e niʻihi kehé ko e founga ia ke ikuʻi ʻaki ʻa e ngaahi ongoʻi peheé.

•   “ʻI hono tokoniʻi ʻa e niʻihi ʻoku ʻi ai ʻenau fiemaʻú ʻoku mohu ʻuhinga ange ai ʻetau moʻuí pea ʻoku tokoni ia ke ikuʻi ʻaki ʻa e ngaahi ongoʻi tuēnoá pe fakamavaheʻi kitá.”​—U.S. National Institutes of Health.

 ʻOku ʻomai ʻe he Tohi Tapú ʻa e faleʻi ʻaonga ki he meʻa ʻe lava ke tau fai ke tokoniʻi ʻaki ʻa e niʻihi kehé. ʻI heʻetau ngāueʻaki iá ʻe lava ke ne tokoniʻi kitautolu ke fekuki mo e ngaahi ongoʻi taʻelatá.

 Hoko ʻo nima-homo. Kumi ki ha ngaahi faingamālie ke fakamoleki ho taimí mata ki he mata mo e niʻihi kehé. Loto-lelei ke vahevahe atu ʻa e meʻa ʻokú ke maʻú. ʻI hoʻo fai peheé, ʻoku ngalingali te nau houngaʻia ai pea ʻe tokoni eni ke fakatupulekina ha kaungāmeʻa.

•   Tefitoʻi moʻoni Fakatohitapu: “Hanganaki foaki, pea ʻe foaki atu ʻa e kakaí kiate kimoutolu.”​—Luke 6:38.

 Tokoniʻi ʻa e niʻihi kehé. Kumi ki ha ngaahi founga ke tokoniʻi ʻa e kakai ʻoku nau fekuki mo e ngaahi tuʻunga faingataʻá. ʻOku kau ki ai ʻa e fanongo ʻi he kaungāongoʻi kiate kinautolu pe fakahoko ha ngaahi tokoni ʻaonga ʻa ia ʻe faingofua ange ai ʻenau moʻuí.

•   Tefitoʻi moʻoni Fakatohitapu: “Ko e kaumeʻa ʻoku ne ʻofa ʻi he taimi kotoa pe.”​—Palōveepi 17:17, Paaki Foʻou.

 Ki ha fakamatala lahi ange ki he founga ke tauhi maʻu ai ha vahaʻangatae lelei mo e niʻihi kehé, lau ʻa e kupu “Family Life and Friendships.”