ʻI he fakautuutu ʻa e loto-moʻua ʻi he māveuveu ʻa e māmaní, ko e kakai tokolahi ʻoku nau fakaʻatā ʻi he taʻeʻilo ʻa honau ngaahi vahaʻangataé ke hoko ʻo vaivai.

• Ko e kakaí ʻoku nau fakamavaheʻi pē kinautolu mei honau ngaahi kaumeʻá.

• Ko e ngaahi hoa malí ʻoku ʻalu ke toe lahi ange ʻenau fekeʻikeʻí.

• Ko e ngaahi mātuʻá ʻoku ʻikai ke nau loko tokanga pe halaʻatā pē haʻanau tokanga ki he ngaahi loto-moʻua ʻenau fānaú.

• Ko e ngaahi kaumeʻá ʻoku tokoni lahi ia ki hoʻo moʻui lelei fakaesino mo fakaeongó, tautefito ʻi he ngaahi taimi faingataʻá.

• Ko e loto-mafasia ʻoku tupu mei he māveuveu ʻa e māmaní ʻe lava ke ne ʻahiʻahiʻi hoʻo moʻui fakafāmilí ʻi he ngaahi founga taʻeʻamanekina.

• Ko e ngaahi ongoongo fakatupu hohaʻá ʻe lava ke ne uesia hoʻo fānaú ʻo lahi ange ia ʻi he meʻa ʻokú ke ʻiló.

ʻOku pehē ʻe he Tohi Tapú: “Ko ha kaumeʻa moʻoni ʻokú ne ʻofa ʻi he taimi kotoa pē pea ko ha tokoua ia ʻoku fanauʻi mai ki he taimi faingataʻá.”​—Palōveepi 17:17.

Fakakaukau ki ha tokotaha ʻoku poupou lelei pea ʻe lava ke ne ʻoatu ʻa e faleʻi ʻaonga. Ko hono ʻiloʻi pē ʻoku ʻi ai ha tokotaha ʻoku tokangá ʻe lava ke fakaivimālohiʻi ai hoʻo fakapapau ke fehangahangai mo e ngaahi pole fakaʻahó.