Ko Sīsuú “ʻOku Ne ʻAve ʻa e Angahala ʻa Māmani”

Naʻe fakahaaʻi ʻe Sione Papitaiso ko Sīsū “ʻoku ne ʻave ʻa e angahala ʻa māmani.” (Sione 1:29) ʻOku tohoakiʻi mai ʻe he meʻá ni ʻa e tokanga ki he ngafa ʻo Sīsū ʻi hono fakahaofi ʻa e faʻahinga talangofua ʻo e tangatá.

Kae kehe, ko e hā naʻe pau ai ke pekia ʻa Sīsū ke fakahaofi ʻa e kau angahalá?

Ko e hā naʻá ne lavaʻi ʻi heʻene foaki loto-lelei ʻa ʻene moʻuí?

Ko hai ʻoku maʻu ʻaonga mei heʻene pekiá?

Ko e hā nai ʻene ʻuhinga kiate koé?

ʻI he taʻu taki taha, ʻoku fakatahataha ai ʻa e Kau Fakamoʻoni ʻa Sihová ke fakamanatu ʻa e pekia ʻa Sīsuú ʻi he ʻaho naʻe hoko aí. ʻI he taʻú ni, ko e fakamanatú ʻoku tō ia ʻi he Sāpate, ʻEpeleli 17, hili e tō ʻa e laʻaá.

ʻOku fakaafeʻi loto-māfana atu koe ʻe he Kau Fakamoʻoni ʻa Sihová ke ke fakataha mo kinautolu ke vakaiʻi ʻa e mahuʻinga ʻo e pekia ʻa Sīsuú. Ko e ngaahi tali ʻa e Tohi Tapú ki he ngaahi fehuʻi ʻi ʻolungá ʻe fai ʻa e lāulea ki ai.

ʻE lava ke ke kau ki ai ʻi ha feituʻu ʻoku ofi taha atu ki ho ʻapí. Kātaki ʻo vakaiʻi mei he Kau Fakamoʻoni ʻa Sihova ʻi ho feituʻú ʻa e taimí mo e feituʻú tonu.