Masalimo 20:1-9
-
Utaski wa fumu yaku Chiuta
-
Ŵanthu anyaki athemba magaleta ndi mahachi, “kweni isi tidaniya pa zina laku Yehova” (7)
-
Kwaku yo walongozga sumu. Sumu yaku Davidi.
20 Yehova wakumuki mu zuŵa la suzgu.
Zina laku Chiuta waku Yakobe likuvikiliyi.+
2 Wakutumiziyi chovyu kutuliya kumalu ngakupaturika+Kweniso wakuwovyi kutuliya ku Ziyoni.+
3 Iyu wakumbuki sembi zaku zosi zo upereka nge mphasu;Sembi yaku yakupiriza wayilonde mwakukondwa.* (Selah)
4 Iyu wakupaski vo mtima waku ukhumba+
Kweniso wakuwovyi kuti ufiski vosi vo ukhumba kuchita.
5 Tidanirizengi mwakukondwa chifukwa cha ntchitu zinu za utaski;+Tikwezengi mbendera zidu mu zina laku Chiuta widu.+
Yehova wakuchitiyi vosi vo wapempha.
6 Sonu ndaziŵa kuti Yehova wataska wakusankhika waki.+
Iyu watimumuka kutuliya kuchanya kwaki kwakupaturikaNdi utaski ukulu* mwakugwiriskiya ntchitu janja laki lamaryi.+
7 Anyaki athemba magaleta penipo anyaki athemba mahachi,+Kweni isi tidaniya pa zina laku Yehova Chiuta widu.+
8 Yiwu aguŵa ndipu awa pasi,Kweni isi tasoka ndipu taweriyamu.+
9 Yimwi Yehova, taskani fumu!+
Iyu wazakutimuka pa zuŵa lo tazamukhumbika chovyu.+
Mazu Ngam'mphata
^ Mazu ngaki chayingu, “wayiwoni nge mafuta.”
^ Pamwenga kuti, “kuthereska kukulu.”
