Masalimo 40:1-17
Kwaku yo walongozga sumu. Sumu yaku Davidi.
40 Ndingulindizga Yehova mwalinweka,*Ndipu wangulazgisiya gutu laki* kwaku ini kweniso wanguvwa kuliya kwangu kwakupempha chovyu.+
2 Wangundituzga muzenji lakofya,Wangundizuwuwa muvimawulambwi.
Ndipu wangundimika pajalawi;Wanguchitiska kuti ndileki kusukunyika po ndinguma.
3 Pavuli paki, wanguŵika sumu yifya mumulomu mwangu,+Sumu yakuthamika Chiuta widu.
Ŵanthu anandi alereskengi ndi kuchita manthaNdipu agomezgengi Yehova.
4 Ngwakukondwa munthu yo wagomezga YehovaKweniso yo waleka kuthemba ŵanthu a mtafu pamwenga ŵanthu aboza.
5 Mwachita vinthu vinandi ukongwa,Yimwi Yehova Chiuta wangu,Mwachita ntchitu zakuziziswa kweniso pe vinandi vo mutitiŵanaŵaniya.+
Palivi yo wangayanana namwi;+Asani ndingayesa kukamba pamwenga kuvikonkhoska,Viŵengi vinandi ukongwa ndipu nditondekengi kuvikonkhoska!+
6 Sembi kweniso chakupereka munguvikhumba cha,*+Kweni mungujula makutu ngangu kuti ndivwi.+
Mungupemphapu cha sembi zakupiriza kweniso sembi za ubudi.+
7 Pavuli paki ndingukamba kuti: “Awonani, ndaza.
Mumpukutu* mukulembeka vakukwaskana ndi ini.+
8 Ini ndikondwa* kuchita khumbu linu yimwi Chiuta wangu,+Ndipu dangu linu le mukati mwangu.+
9 Ndipharazga uthenga wamampha wa urunji mu mpingu ukulu.+Awonani! Milomu yangu nditiyikaniza cha,+Nge mo namwi muziŵiya yimwi Yehova.
10 Urunji winu nditiwubenekere cha mumtima mwangu.
Ndipharazga kugomezgeka kwinu kweniso utaski winu.
Chanju chinu chambula kumala kweniso uneneska winu nditivibisa cha mu mpingu ukulu.”+
11 Yimwi Yehova, mungandinolanga cha lisungu linu.
Chanju chinu chambula kumala kweniso uneneska winu vindivikiliyi nyengu zosi.+
12 Masoka ngo ngandizunguliya nganandi ukongwa ndipu ngambula kuŵerengeka.+
Maubudi ngangu nganandi ndipu ngandimala nthazi mwakuti nditondeka kuwona nthowa yangu;+Nganandi ukongwa kuluska sisi la kumutu kwangu,Ndipu ndataya mtima.
13 Yimwi Yehova, jani akukhumbisiska kunditaska.+
Yimwi Yehova, yendesani kuti mundiwovyi.+
14 Ŵanthu wosi wo apenja kutuzgapu umoyu wanguAlengeseki kweniso achiti soni.
Ŵanthu wo akondwa chifukwa cha soka languAwelere mwasoni.
15 Ŵanthu wo atindikambiya kuti: “Eya! Eya!”
Azizwi chifukwa cha soni zo zaŵako.
16 Kweni ŵanthu wo atikupenjani+Akondwi ndi kusekere mwaku yimwi.+
Ndipu ŵanthu wo atanja ntchitu zinu za utaski, nyengu zosi akambengi kuti:
“Yehova wakuzgiki.”+
17 Kweni ini ndisoŵa wakundiwovya kweniso nde mukavu;Yehova wang’anamukiyi kwaku ini.
Ndimwi wakundiwovya kweniso mtaski wangu;+Chiuta wangu, mungasweranga cha.+
Mazu Ngam'mphata
^ Pamwenga kuti, “mwakuzikira.”
^ Pamwenga kuti, “wangusindama kuti wavwisiyi.”
^ Pamwenga kuti, “mungukondwa navu cha.”
^ Mazu ngaki chayingu, “Mumpukutu wa buku.”
^ Pamwenga kuti, “ndikhumba.”
