Masalimo 48:1-14
Sumu. Salimo la ŵana aku Kora.+
48 Yehova ndi mukulu ndipu ngwakwenere kumuthamikaMutawuni yaku Chiuta widu, muphiri laki lakupaturika.
2 Phiri la Ziyoni lo le kutali kunkhondi,*Ndakutowa ukongwa pachanya po lili, ilu ndi likondwa la charu chosi chapasi,+Ndipu ndi tawuni ya Fumu Yikulu.+
3 Mutinyumba taki takuthopoka takukho,Chiuta walongo kuti iyu ndi malu ngakuthaŵiyaku ngakuvikilirika.*+
4 Pakuti awonani! mafumu ngawungana pamoza;*Ndipu ngosi ngaziya limoza.
5 Ngati ngawona tawuni yeniyi, nganguzizwa.Ngangutimbanyizgika ndipu nganguthaŵa mwamantha.
6 Mafumu ngenanga ngangwamba kumbwambwanthiya kweniko,Ngangwamba kuvwa urwirwi nge wo munthukazi watuvwa pakubala.
7 Yimwi munguswa sitima za ku Tashishi ndi mphepu ya kuvuma.*
8 Vo tinguvwa, sonu taviwonaMutawuni yaku Yehova wa mizinda, mutawuni yaku Chiuta widu.
Chiuta wayijalikiskengi mwakukho mpaka muyaya.+ (Selah)
9 Tilunguruka chanju chinu chambula kumala yimwi Chiuta,+Mukati mwa nyumba yinu yakusopiyamu.
10 Nge zina linu yimwi Chiuta, muthamikikiMpaka kuvigoti va charu chapasi.+
Janja linu lamaryi lazaza ndi urunji.+
11 Phiri la Ziyoni+ likondwi,Matawuni nga ku* Yuda ngasekere, chifukwa cha vyeruzgu vinu.+
12 Gubani mwakuzunguliya Ziyoni; muzunguliyeni yosi;Ŵerengani tinyumba taki takuthopoka.+
13 Ŵikani mitima yinu pa vimbumira vaki.*+Yenderiyani tinyumba taki takuthopoka takukho,Kuti muzikambiyi migonezi yo yituza kunthazi.
14 Pakuti Chiuta uyu ndi Chiuta widu,+ muyaya mpaka muyaya.
Iyu watilongozgengi mpaka muyaya.*+
Mazu Ngam'mphata
^ Anyaki akamba kuti, “kumpotu.”
^ Pamwenga kuti, “malu ngapachanya ngakuvikilirika.”
^ Pamwenga kuti, “ngapangana kuti ngakumani.”
^ Pamwenga kuti, “ko kutuliya lumwi.”
^ Mazu ngaki chayingu, “Ŵana anthukazi a ku.”
^ Pamwenga kuti, “mipanda yaki yakukho.”
^ Yapa pangafwatulikiya so kuti, “mpaka po tifwiyengi.”
