Masalimo 62:1-12
Kwaku yo walongozga sumu; pa Yedutuni.* Sumu yaku Davidi.
62 Nadi, ndilindizga Chiuta mwachisisi.
Utaski wangu utuliya kwaku iyu.+
2 Hinya, iyu ndi jalawi langu, utaski wangu kweniso malu ngangu ngakuthaŵiyaku ngakuvikilirika;*+Ndisukunyikengi ukongwa cha.+
3 Kumbi muyukiyengi munthu mpaka zuŵanji kuti mumubayi?+
Mosi mwe akofya nge chimati chakulita, chimati cha mya cho che pafupi kuwa.*
4 Pakuti yiwu apangana kuti amutuzgepu pa udindu waki wapachanya;*Akondwa ndi boza.
Yiwu atumbika ndi milomu yawu, kweni mukati atemba.+ (Selah)
5 Nadi, ndilindizga Chiuta mwachisisi.+Chifukwa chilindizga changu chituliya kwaku iyu.+
6 Hinya, iyu ndi jalawi langu, utaski wangu kweniso malu ngangu ngakuthaŵiyaku ngakuvikilirika;Ndisukunyikengi cha.+
7 Utaski wangu ndipuso unkhankhu wangu, vituliya kwaku Chiuta.
Chiuta ndiyu jalawi langu lakulama, malu ngangu ngakuthaŵiyaku.+
8 Mumuthembengi nyengu zosi yimwi mwaŵanthu.
Mujuliyeni mitima yinu.+
Chiuta ndiyu malu ngidu ngakubisamaku.+ (Selah)
9 Ŵana a ŵanthu ŵe nge mvuchi,Ŵana a ŵanthu ŵe nge chizgezgi.+
Asani aŵikika pamoza pasikelu, apepuka ukongwa kuluska mvuchi.+
10 Mungathembanga jalidu lakuphanga chaPamwenga kugomezga unkhungu.
Asani chuma chinu chaŵa chinandi, mungaŵikangapu mtima winu cha.+
11 Chiuta walongoro kamoza, ini ndavwa kaŵi kuti:
Nthazi zaku Chiuta.+
12 Chanju chambula kumala nachu ntchinu, yimwi Yehova,+Pakuti yimwi muweze weyosi mwakukoliyana ndi ntchitu zaki.+
Mazu Ngam'mphata
^ Wonani Mazu ngo Ngakonkhoskeka.
^ Pamwenga kuti, “malu ngangu ngapachanya ngakuvikilirika.”
^ Yapa pangafwatulikiya so kuti, “Mosi yimwi muchita venivi nge kuti iyu ntchimati chakulita, chimati cha mya cho che pafupi kuwa.”
^ Pamwenga kuti, “ulemu waki.”
