Masalimo 77:1-20
Kwaku yo walongozga sumu; pa Yedutuni.* Sumu yaku Asafu.+
77 Ndiliriyengi Chiuta ndi mazu ngangu;Ndiliriyengi Chiuta ndipu iyu wandivwengi.+
2 Pa zuŵa la suzgu ndipenja Yehova.+
Ndi usiku, ndinyoloske manja ngangu kwaku iyu kwambula kulekeza.*
Ndingapembuzgika cha.
3 Asani ndakumbuka Chiuta, nditamantha;+Ndisuzgika ndipu nthazi zangu zimala.*+ (Selah)
4 Mujula vikolongu va masu ngangu;Ndituvwa urwirwi mumtima ndipu nditondeka kulongoro.
5 Maŵanaŵanu ngangu ngakumbuka mazuŵa ngakali,+Vyaka vakuvuli ukongwa.
6 Ndi usiku, ndikumbuka sumu yangu;*+Ndilunguruka mumtima mwangu;+Ndifufuza* mwaphamphu.
7 Kumbi Yehova watitayengi kwamuyaya?+
Kumbi watichitiyengi so lisungu cha?+
8 Kumbi chanju chaki chambula kumala chamaliya limu mpaka muyaya?
Kumbi layizgu laki liwengi paŵaka mpaka migonezi yosi?
9 Kumbi Chiuta waluwa kulongo wezi waki,+Pamwenga kumbi ukali waki wachitiska kuti lisungu laki limali? (Selah)
10 Kumbi ndilutirizgi kukamba kuti: “Cho chitindisuzga maŵanaŵanu* ntchakuti:+
Wapachanya Limu wasintha mo wachitiya nasi vinthu”?*
11 Ndikumbukengi ntchitu zaku Ya;Ndikumbukengi ntchitu zinu zakuziziswa zakali ukongwa.
12 Ndilungurukengi ntchitu zinu zosiNdipu ndiŵanaŵaniyengi vakuchita vinu vosi.+
13 Yimwi Chiuta, nthowa zinu zakupaturika.
Yimwi Chiuta, kumbi ndi Chiuta munyaki nuyu yo ndi mukulu nge yimwi?+
14 Ndimwi Chiuta wauneneska yo wachita vinthu vakuziziswa.+
Mwavumbuliya ŵanthu nthazi zinu.+
15 Mwakugwiriskiya ntchitu nthazi zinu,* mwataska* ŵanthu ŵinu,+Ŵana aku Yakobe ndipuso aku Yosefi. (Selah)
16 Maji ngangukuwonani yimwi Chiuta;Maji ngangukuwonani ndipu ngangutimbanyizgika.+
Maji ngandimba ngangukwiya.
17 Mitambu yingukhutuwa maji.
Mitambu yamdima yingugululusa,Ndipu mivi yinu yalasanga ŵaka peposi.+
18 Chiwawa cha kugululusa kwinu,+ chenga nge chiwawa cha mateyala nga magaleta;Kuŵala kwa malimphezi kungungweruska charu chosi;+Charu chingumbwambwanthiya kweniso chingusukunyika.+
19 Msewu winu ungujumpha panyanja;+Ndipu nthowa yinu yingujumpha pamaji nganandi;Kweni mo malundi nginu ngakandanga, mwaziŵikanga cha.
20 Mungulongozga ŵanthu ŵinu nge mskambu,+Po Mozesi ndi Aroni aŵaphweriyanga.*+
Mazu Ngam'mphata
^ Wonani Mazu ngo Ngakonkhoskeka.
^ Mazu ngaki chayingu, “kwambula kufwa zazi.”
^ Mazu ngaki chayingu, “mzimu wangu utufwa chipoyu.”
^ Pamwenga kuti, “sumu yangu yakumbika pa chakumbiya cha vingwi.”
^ Mazu ngaki chayingu, “Mzimu wangu ufufuza.”
^ Mazu ngaki chayingu, “watituzgiyaku janja laki lamaryi.”
^ Pamwenga kuti, “Cho chitindilasa.”
^ Mazu ngaki chayingu, “janja linu.”
^ Mazu ngaki chayingu, “mwawombo.”
^ Mazu ngaki chayingu, “Mwakugwiriskiya ntchitu janja laku Mozesi ndi Aroni.”
