Masalimo 90:1-17
Pempheru laku Mozesi, munthu waku Chiuta wauneneska.+
90 Yimwi Yehova, mwaŵa malu ngidu ngakujamu*+ mu migoneziyosi.
2 Mapiri ngechendawekuPamwenga mwechendalengi charu chapasi*+Yimwi ndimwi Chiuta kutuwa muyaya mpaka muyaya.+
3 Munthu mutimuchitiska kuti wawere kufuvu;Mukamba kuti: “Weleriyani yimwi ŵana a ŵanthu.”+
4 Pakuti kwaku yimwi, vyaka 1,000 ve nge zana,+Ve nge ulinda wa usiku umoza.
5 Yimwi mutiŵapeya;+ yiwu aja ŵaka nge tulu;Ndi mlenji, yiwu aja nge uteka wo ubuka.+
6 Ndi mlenji ubiriŵira kweniso uweliyamu,Kweni ndi mazulu ufota ndipu umira.+
7 Pakuti isi tiryika ndi ukali winu+Kweniso tichita mantha chifukwa cha kutoloma kwinu.
8 Maubudi ngidu mutingaŵika pa masu pinu;*+Vinthu vo tichita mwachisisi vivumbulika chifukwa cha ukweru wa chisku chinu.+
9 Mazuŵa ngidu ngamala* kamanakamana chifukwa cha ukali winu;Ndipu vyaka vidu vimala nge mazu ngakutokotoska.*
10 Vyaka va umoyu widu ndi 70,Pamwenga 80+ asani munthu we ndi nthazi ukongwa.*
Kweni vizaza ndi masuzgu kweniso chitima;Viswera cha kumala ndipu tiputa.+
11 Ndiyani wangavwisa nthazi ya ukali winu?
Ukali winu ngukulu ukongwa nge mantha ngo titenere kukuwopani nangu.+
12 Tisambizeni mo tingaŵerenge mazuŵa ngidu+Kuti tije ndi mtima wazeru.
13 Weleriyani yimwi Yehova!+ Kumbi venivi vilutiliyengi mpaka zuŵanji?+
Achitiyeni lisungu ateŵeti ŵinu.+
14 Ndi mlenji, tigutiseni ndi chanju chinu chambula kumala,+Kuti tidanirizi mwalikondwa kweniso tisekere+ mu mazuŵa ngidu ngosi.
15 Tichitiskeni kuti tikondwi mwakukoliyana ndi unandi wa mazuŵa ngo mwatiwisiya masuzgu,+Tikondwi mwakukoliyana ndi unandi wa vyaka vo takumana ndi masoka.+
16 Ateŵeti ŵinu awoni ntchitu zinu,Ndipu ŵana ŵawu awoni unkhankhu winu.+
17 Lisungu laku Yehova Chiuta widu lije paku isi;Muchitiski kuti ntchitu za manja ngidu zilutirizgi kuŵaku.*
Hinya, chitiskani kuti ntchitu za manja ngidu zilutirizgi kuŵaku.*+
Mazu Ngam'mphata
^ Yapa pangafwatulikiya so kuti, “ngakuthaŵiyaku.”
^ Pamwenga kuti, “Mwechendatuzgi charu chapasi ndi urwirwi wapakubala.”
^ Pamwenga kuti, “mutingaziŵa.”
^ Pamwenga kuti, “Umoyu widu umala.”
^ Pamwenga kuti, “nge kusisiya mtima.”
^ Pamwenga kuti, “chifukwa cha nthazi zapade.”
^ Pamwenga kuti, “Jalikiskani mwakukho ntchitu za manja ngidu.”
^ Pamwenga kuti, “Jalikiskani mwakukho ntchitu za manja ngidu.”
