Kumbi Bayibolu Likambanji?
Kumbi ŵanthu ndiwu akwambisa chisopa?
ŴANTHU ANYAKI AKAMBA KUTI ŵanthu ndiwu akwambisa chisopa ndipu anyaki akamba kuti Chiuta wagwirisiya ntchitu chisopa kuti wawovyi ŵanthu kuja nayu pa ubwezi. Kumbi imwi muŵanaŵana wuli?
VO BAYIBOLU LIKAMBA
Pe “kusopa kwambula kufipisika kwaku Chiuta ndi awiskefwi.” (Yakobe 1:27) Chisopa chambula kufipisika pamwenga chaunenesa chituliya kwaku Yehova.
FUNDU YINYAKI YO TISAMBIRA M’BAYIBOLU
Kuti tikondwesi Chiuta, tikhumbika kusambira unenesa wa m’Bayibolu.—Yohane 4:23, 24.
Visopa vo visambiza maŵanaŵanu nga ŵanthu vaboza.—Marko 7:7, 8.
Kumbi nkhwakwenere kuti munthu waje muchisopa?
KUMBI MUNGAMUKA WULI?
Hinya
Awa
Panyaki
VO BAYIBOLU LIKAMBA:
“Tiyeni tiŵanaŵaniyanengi kuti tichiskanengi pa chanju ndi ntchitu zamampha. Tingalekanga cha kuwungana pamoza.” (Ŵahebere 10:24, 25) Chiuta wakhumba kuti ŵanthu wo atimusopa awunganengi pamoza.
FUNDU YINYAKI YO TISAMBIRA M’BAYIBOLU
Ŵanthu wo asopa Chiuta akhumbika kugomeza vinthu vakuyanana.—1 Ŵakorinte 1:10, 11.
Ŵanthu wo ŵe muchisopa cho Chiuta wazomereza achita vinthu mwakukoliyana pacharu chosi.—1 Petro 2:17.
