MO TINGAMALISIYA JALIDU LAKUTINKHANA
2 | Mungaweziyanga Cha
Vo Bayibolu Lisambiza:
“Mungaweziyanga cha chiheni pa chiheni ku munthu weyosi. . . . Asani nkhwamachitika, jani mwachimangu ndi ŵanthu wosi, nge mo mungafiskiya. . . . Mungaweziyanga mwija cha, . . . pakuti kukulembeka kuti: Yehova watiti; ‘Kuweze nduzga nkhwangu, ndazamuweze ndini.’”—AROMA 12:17-19.
Vo Ling’anamuwa:
Chinanga kuti mwakawi tikwiya asani munthu munyaki watinangiya, kweni Chiuta wakhumba cha kuti tiweziyengi. Mumalu mwaki, watitipempha kuti tilindizgengi iyu chifukwa pambula kuswera watuzgengepu vinthu vambula urunji.—Salimo 37:7, 10.
Vo Mungachita:
Asani ŵanthu ambula kufikapu aweze, kutinkhana kuluta panthazi ukongwa. Mwaviyo, asani munthu munyaki wakunangiyani pamwenga kukupwetekani, mungaweziyanga cha. Muyesesengi kumuka mwachimangu kweniso muwukongi mtima. Nyengu zinyaki, vingaŵa umampha kuvileka waka. (Nthanthi 19:11) Kweni nyengu zinyaki vingaŵa umampha kuchitapu kanthu. Mwakuyeruzgiyapu, asani akuchitiyani nkhaza, mungasankha kuchimangala ku polisi pamwenga ku ŵanthu anyaki amazaza.
Kuweze kunangiya limu vinthu
Nanga mungachita wuli asani muwona kuti palivi nthowa ya chimangu yakumaliyana ndi suzgu lenili? Pamwenga mungachita wuli asani mwayesesa kali kuti mumalani ndi suzgu lenili mwachimangu? Mungaweziyanga cha. Kuweze kunganangiya limu vinthu. Mumalu mwaki, malisani jalidu la kutinkhana. Mugwiriskiyengi ntchitu fundu zaku Chiuta pakumaliska suzgu. ‘Mumuthembengi ndipu iyu wakuwovyeningi.’—Salimo 37:3-5.
Mungayanja Kuŵerenga so Nkhani Izi
BAYIBOLU LISINTHA ŴANTHU
Ndakhumbanga Kumalana ndi Vinthu Vambula Urunji
Rafika wangusere gulu linyaki lo lakhumbanga kumalana ndi vinthu vambula urunji. Kweni wati wasambira Bayibolu wanguziŵa kuti ndi Ufumu waku Chiuta pe wo ungachitiska kuti pacharu paje chimangu kweniso urunji.
BAYIBOLU LISINTHA ŴANTHU
Kumbi Ndi Zukwanji po Ŵanthu Wosi Azamuja ndi Chanju Chambula Kumala Mumalu mwa Kutinkhana?
Kungaŵa kwakusuzga kuleka mtima wasankhu. Wonani vo munthu munyaki wachiyuda kweniso wachipalestina anguchita kuti aleki kuja ndi sankhu.
MAFUMBU NGO BAYIBOLU LIMUKA
Kumbi Bayibolu Likambanji pa Nkhani ya Kuweze Nduzga?
Ulongozgi wa mu Bayibolu wawovyapu ŵanthu anandi kuti aleki kuja ndi maŵanaŵanu ngakukhumba kuweze.
