Kukataazikana Mumizeezo Kulikuchita Bantu Munyika Yoonse
“Chiindi chiingi nga ndalimvwa kandikataazikene nikuba kandilaandikke mung’anda.”
“Kuti buzuba oobo ndalimvwa kandili kabotu kumamanino ngandazookataazikana. Kuti kandiboteledwe loko ndilizi kuti chitobela nkunyema.”
“Ndilezya kubikkila maanu kuzintu zinga zilikuchitika mubuzuba oobo pesi kandilyibide ngandasaanguna kukataazikana azintu zyiingi.”
Anduwe nga walimvwa mbuli mbubalimvwa na bantu baambwa ajulu? Ulikuswaanana apenzi eeli na naakuti kuli muntu nguzi ulaapenzi eeli?
Ziba kuti tuli awulikke pe. Bantu biingi bali kujatikizigwa abulwazi oobu kazitakwe ndaba kuti mbabo na bali kuchiswa naakuti mbabbululu babo.
Zilaantanganana kuti tulikupona muziindi “ziyumu, zikataazya kupona mulinzizyo” alubo zilikupa kuti tuswaane mapenzi asiyene-siyene. (2 Timoti 3:1) Kweendelana akuyanduulisisya kwakachitwa, kwakajanwa kuti munyika yoonse muntu uumwi akati kabantu bali 8 ulaapenzi lyakukataazikana mumizeezo. Mu2020, akaambo bulwazi bwa-COVID-19, bantu balaapenzi lyakukataazikana mumizeezo bakavula loko zyakuti bakasika kuma 78 miliyoni.
Kulayandikana kuziba namba yabantu balikukataazikana. Pesi chiyandikana loko nkuti iwe abamumpuli yako muzibe kuti niinzi nzimweelede kuchita kuti mukkale kamuli kabotu.
Chaambaanzi kuba aamizeezo iikkalikene?
Kuba aamizeezo iikkalikene chaamba kubotelwa akukonzya kuchita zintu munzila iilikabotu. Kuti kuli aamizeezo iikkalikene ulakonzya kulisimya nikuba kuli kuswaanana aazyiimo zikataazya alubo ulakonzya kuchita zintu zizwidilila akukkutisikana mubuumi.
Kuchiswa muboongo. . .
-
TAKWAAMBI kuti muntu tasimide pe.
-
MBULWAZI buyanda busilisi bupa kuti muntu akataazikane zyiindilide alubo bupambanisya nzila muntu njayeeyayo, mbalimvwa ambachita zintu.
-
Kulakonzya kupa kuti muntu akachilwe kumvwanana aabamwi alubo kupa kuti akachilwe kuchita zintu nzyayelede kuchita mubuumi.
-
Bantu boonse balakonzya kujatwa aabulwazi oobu kazitakwe ndaba aminyaka yabo, ziyanza zyabo, musyobo wabo, chikombelo chabo kuti baliyiide naakuti tabayiide, balinotede naakuti balafwaba.
Mbukonzya kujana lugwasyo kubulwazi bwakukataazikana mumizeezo
Kuti iwe naakuti umwi wamumpuli wasaanguna kuchincha nzila njachitaayo zintu mbuli kutalala kabotu, kulya loko naakuti kulya mbichaani, kukataazikana naakuti kuusa, mweelede kuyanduula lugwasyo kubasilisi kuti muzibe zili kuchitika. Pesi nkuukuli nkumukonzya kujana lugwasyo?
Mwaalumi musongo Jesu wakati: “Bantu batachiswi tabayandi musilisi pe, pesi bachiswa mbabo bayanda musilisi.” (Mateyo 9:12) Aabo balikuchiswa bulwazi oobu kuti bajana busilisi balakonzya kugwasigwa kuti batachiswi loko akuti bapone buumi bubotu. Zilikabotu kuti bantu bachiswa bulwazi oobu batanonoki kujana lugwasyo kuti babona kuti zilikwiinkilila kunembo. a
Bbayibbili teebbuku lyabusilisi pe pesi makani aajanika mukati alakonzya kutugwasya kuti tukkale katuli aamizeezo iilikabotu. Tukukumbila kuti ulange-lange zyiiyo zitobela zyaambuula atala aBbayibbili mbulikonzya kukugwasya kuti kuli aapenzi lyakukataazikana mumizeezo.
a Ngaziyakulinda eeyi tayili kubuzya bantu atala anzila nzibeelede kusilikwaazyo. Pesi umwi awumwi weelede kuyanduulisisya akulisalila nzila zyabusilisi zikonzya kumugwasya.
You May Also Like
NJIISYO ZYABBAYIBBILI ZIYANDIKANA
Nkamboonzi Leza Nazumizya Bubi aMapenzi?
Bbayibbele litupa nsandulo ituumbulizya.
AMUKKALE KAMULINDIDE!
Namba Yabachikula Bachiswa Abulwazi Bwamuboongo Ilikutanta—Bbayibbili Lityeni?
Bbayibbili lilamayilile agwasya bachikula balapenzi lyakuchiswa muboongo.
ATALA ANDISWE
Kumbila Kuswayigwa
Mwaambuule atala amubuzyo wamuBbayibbili, naakuti yiya zyiingi atala aBakamboni baJehova.
