MUCHIINDI chamaIsrayeli, kuti muntu wayanda kukwata, wakali kusela kumpuli yamwanakazi. Bakali kusela mali, banyama naakuti zimwi zintu. Chimwi chiindi bakali kusela kwiinda mukubeleka umwi mulimu mbuli mbaakachita Jakkobo. Wakabelekela wisi waRakkele kwaminyaka iili 7 kuchitila kuti azookwate Rakkele. (Mtl. 29:17, 18, 20) Nkamboonzi nibakali kusela?

Umwi sikulanga-langa makani aamuBbayibbele uutegwa Carol Meyers wakati: “Kulakonzeka kuti chiindi bakali kusela kuchitila kuti babbadale bamumpuli yamwanakazi banga basyaala kabatachikkwene pe ikapati nibachita milimu iiyandikana mbuli kulima.” Alubo kweelede kuti kusela kwakali kupa kuti bamumpuli yamwaalumi abamumpuli yamwanakazi bajatane. Kujatana ooku kwakali kupa kuti bagwasyanie muziindi ziyumu. Kuyungizya alizeezi, kusela kwakali kutondeezya kuti mwanakazi wasyomezegwa kukwatwa akuti taakachili kulangilila kugwasigwa akukwabililwa aawisi pesi wakali waabulangilila kugwasigwa aamulumaakwe.

Kusela teekwakali kwaamba kuti mwanakazi ulawuzigwa naakuti ulawulwa. Bbuku litegwa Ancient Israel—Its Life and Institutions lyaamba kuti: “Kusela mali naakuti zimwi zintu kumpuli yamwanakazi kwakali kupa kuti kubonekaanga maIsrayeli bakali kuula mwanakazi. Pesi kubonekaanga [kusela] kwakali kutondeezya kulumba kumpuli yamwanakazi kutali kuula mwanakazi.”

Mazubaano, kuli zimwi nyika bantu bachisela. Bazyali bachiKristu nibaamba zintu nzyayeelede kusela mukwaansa, beelede kutondeezya kuti ‘balanyoneka’ kwiinda mukutawamba zintu zyiingi loko. (Flp. 4:5; 1 Kor. 10:32, 33) Kuti bachita oobo, nga batondeezya kuti tabali bantu “bayandisya mali” naakuti batangala. (2 Tim. 3:2) Kuyungizya aali zeezi, kuti bazyali bachiKristu teebaamba zintu zyiingi nzyayeelede kusela mukwaansa, ngabalikupa kuti atachinchi buzuba bwamuchado kachitila kuti ayanduule mali yakuzoosela. Alubo tazikoopa kuti mukwaansa aleke kupayona kachitila kuti ayanduule mulimu uutamugwasye kuti ajane mali nyingi yakusela.

Kuli zimwi nyika bantu batobelezya zyaambwa amilawu chiindi nibali kusela. MaKristu bakkala kunyika eezyo balayiswiilila milawu eeyo. Nkamboonzi? Nkaambo Jwi lyaLeza lisungwaazya maKristu kuti ‘balibombye kubeendelezi’ akuti baswiilile milawu iitakazyanyi aamilawu yaLeza.—Rom. 13:1; Mil. 5:29.