Intembauzyo 147:1-20
147 Amumutembaule Ja!*
Ncibotu kumwiimbila nyimbo zyakumutembaula Leza wesu;Cilanoneezya alimwi cileelela kumutembaula!+
2 Jehova uyaka Jerusalemu;+Ulayobolola bana Israyeli bamwaikide.+
3 Ulabaponya aabo batyompedwe mumoyo;Alimwi ulaanga zilonda zyabo.
4 Ulabala mweelwe wanyenyeezi;Ulaziita zyoonse mazina aazyo.+
5 Mwami wesu mupati alimwi ulijisi nguzu zinji kapati;+Busongo bwakwe tabweeli.+
6 Jehova ulababusya babombe myoyo,+Pele babi ubafwusila ansi.
7 Amwiimbile Jehova nyimbo zyakulumba;Amwiimbe nyimbo zyakutembaula Leza wesu kumwi kamulizya kantimbwa,
8 Ooyo uuvwumba majulu amakumbi,Ooyo uupa nyika mvwula,+Ooyo uupa kuti bwizu bumene+ mumalundu.
9 Uupa banyama cakulya,+Abana babacikwangala ibalilila cakulya.+
10 Takkomanini nguzu zyabbiza;+Nokuba kubotelwa akaambo kanguzu zyamaulu aamuntu.+
11 Pele Jehova ulabakkomanina aabo bamuyoowa,+Aabo balindila luyando lwakwe lutamani.+
12 Komulemeka Jehova, O Jerusalemu.
Kotembaula Leza wako, O Ziyoni.
13 Nguuyumya mpingizyo zyamilyango yamunzi wako;Nguuleleka bana bako ibali mulinduwe.
14 Nguuleta luumuno mucilawo cako;+Nguukukkutya wiiti mubotu kapati.*+
15 Nguutuma mulawo wakwe anyika;Ijwi lyakwe lileenda cakufwambaana.
16 Nguutuma caanda cili mbuli boya bwambelele;+Nguumwaya civwulamabwe mbuli mulota.+
17 Nguulosya civwulamabwe cakwe mbuli mikusu yansima.+
Ino nguni uukonzya kuliyumya kumpeyo yakwe?+
18 Nguutuma jwi lyakwe eelyo zilanyenguluka.
Ulapa kuti muwo wakwe wuunge,+ eelyo maanzi alakunka.
19 Waambila Jakobo ijwi lyakwe,Waambila Israyeli malailile aakwe alimwi ambeta zyakwe.+
20 Kunyina cisi cimbi ncaacitila boobu;+Kunyina ncebazyi kujatikizya mbeta zyakwe.
Amumutembaule Ja!*+
Bupanduluzi buyungizyidwe
^ Naa “Aleluya!” “Ja” nkufwiinsyigwa kwazina lyakuti Jehova.
^ Mu Chihebrayo, “mafwuta aawiiti.”
^ Naa “Aleluya!” “Ja” nkufwiinsyigwa kwazina lyakuti Jehova.
