Isaya 26:1-21
26 Mubuzuba oobo, lwiimbo oolu luyakwiimbwa+ mucisi ca Juda:+
“Tulijisi munzi muyumu.+
Leza upa kuti lufwutuko lube malambo aanguwo abwaanda bwakuucingilila.+
2 Amujalule milyango+ kutegwa cisi ciluleme cinjile,Icisi cisyomeka.
3 Yebo uunoobakwabilila bantu balanga kulinduwe muzintu zyoonse;*Uyoobapa luumuno lutamani,+Nkaambo basyoma mulinduwe.+
4 Amusyome muli Jehova lyoonse mane kukabe kutamani,+Nkaambo Ja* Jehova ni Ndomba iiliko lyoonse alyoonse.+
5 Nkaambo wabafwiinsya aabo bakkala mujulu, imunzi uusumpukide.
Wauwisya,Wauwisyila ansi;Waubbunta mulusuko.
6 Munzi ooyu uyoolyataukwa amaulu,Uyoolyataukwa amaulu aabantu bapenzyegwa, inzya amaulu aabantu bapengede.”
7 Nzila yamululami ililuleme.*
Akaambo kakuti yebo uliluleme,Uyoosumbuzya nzila yamululami.
8 Notutobela nzila yambeta zyako, O Jehova,Tulangila nduwe.
Tuyandisya zina lyako alimwi aciibalusyo cako.*
9 Amoyo wangu woonse ndalikukuyeeya masiku,Inzya, muuya wangu wazumanana kukuyandaula;+Nkaambo ciindi nopa mbeta zyako kunyika,Bantu bakkala munyika baiya bululami.+
10 Nokuba kuti mubi wafwidwa luzyalo,Takaiyi bululami pe.+
Nomuba munyika yabululami uyoocita zintu zibyaabi,+Alimwi takabuboni bulemu bwa Jehova pe.+
11 O Jehova, janza lyako lyasumpuka, pele tabalibwene pe.+
Bayoobona busungu mbotondezya kubantu bako, aboobo bayoogunwa.
Inzya, mulilo uubambilidwe basinkondonyoko uyoobaumpa cakumaninina.
12 O Jehova, uyootupa luumuno,+Nkaambo zintu zyoonse nzyotwacitaNduwe wapa kuti zizwidilile.
13 O Jehova Leza wesu, basimalelo bambi kunze lyanduwe+ mbabali kutweendelezya,Pele swebo tutembaula buyo zina lyako lilikke.+
14 Balifwide; tabakaponi limbi.
Balizundidwe alufwu, tabakabuki pe.+
Nkaambo yebo wabalingulaKutegwa ubanyonyoone akulobya mpuwo yabo yoonse.
15 Wacikomezya cisi, O Jehova,Wacikomezya cisi;Wapa kuti ulemekwe.+
Waikomezya kapati minyinza yoonse yacisi.+
16 O Jehova, mumapenzi aabo bakali kulanga kulinduwe;Ajwi lyaansaansi bakali kupaila camoyo woonse eelyo nookali kubapa cisubulo.+
17 Mbubonya mukaintu uumitide uuyanda kutumbukaMbwamyongwa akulila akaambo kakumvwa kucisa,Mbotwaba andiswe akaambo kanduwe, O Jehova.
18 Twakamita, twakamyongwa,Pele cili mbuli kuti twatumbuka buyo muwo.
Kunyina notwaleta lufwutuko mucisi,Alimwi taakwe bantu bazyalwa kuti bakkale mucisi.
19 “Bantu bako bafwide bayoopona alimwi.
Mitunta yangu* iyoobuka.+
Amusinsimuke moongolole cakukondwa,Nywebo nomuli mubulongo!+
Nkaambo mume wanu uli mbuli mume wamafwumofwumo,*Nyika iyoobalekezya aabo bazundidwe alufwu kuti babe baumi.*
20 Kamuya nobantu bangu, amunjile mumaanda aanu aamukati,Mulijalile.+
Amuyube kwakaindi kaniini buyoKusikila mane bukali bwiinde.+
21 Nkaambo amubone! Jehova ulaboola kuzwa kubusena bwakweKuzoosubula bantu bakkala munyika akaambo kazinyonyoono zyabo,Eelyo nyika eeyi iyootondezya bulowa mboitilaAlimwi taikabavwumbi limbi bantu banjiyo bajaidwe.”
Bupanduluzi buyungizyidwe
^ Naa ambweni, “aabo bajisi mizeezo iitacinci-cinci.”
^ “Ja” nkufwiinsyigwa kwazina lyakuti Jehova.
^ Naa “iliyalene.”
^ Nkokuti, kuti Leza ayeeyegwe, azyibisyigwe kubikkilizya azina lyakwe.
^ Mu Chihebrayo, “Mutunta wangu.”
^ Naa ambweni, “mume wazisyango.”
^ Naa “iyoozyala baabo bazundidwe alufwu.”
