Matayo 2:1-23
2 Naakazyalwa Jesu mu Betelehemu+ waku Judaya kumazuba aa Mwami Heroda,*+ basikupandulula bweende bwanyenyeezi ibazwa Kujwe bakaboola ku Jerusalemu
2 akubuzya kuti: “Uli kuli ooyo wakazyalwa kali mwami waba Juda?+ Nkaambo twakabona nyenyeezi yakwe notwakali Kujwe, aboobo twaboola kuzoomufwugamina.”*
3 Naakamvwa boobu, Mwami Heroda wakakopana, antoomwe abantu boonse bamu Jerusalemu.
4 Eelyo naakababunganya boonse basilutwe babapaizi alimwi abalembi, wakababuzya nkwaakali kuyoozyalilwa Kristo.*
5 Bakamwiingula kuti: “Ku Betelehemu+ waku Judaya, nkaambo kwiinda mumusinsimi kulembedwe kuti:
6 ‘Yebo O Betelehemu wamucisi ca Juda toli munzi musyoonto akati kabeendelezi ba Juda, nkaambo mulinduwe muyoozwa mweendelezi uuyakweembela bantu bangu bana Israyeli.’”+
7 Mpoonya Heroda wakabaita kumbali basikupandulula bweende bwanyenyeezi akubabuzya ciindi nyenyeezi noyakalibonya.
8 Eelyo naakabatuma kuya ku Betelehemu, wakabaambila kuti: “Kamuya mukamuyandaule cakulomya mwana ooyu, eelyo mwaakumujana muzoondaambile2kutegwa andime ndikaunke kuyoomufwugamina.”
9 Nobakamana kumuswiilila mwami, bakazumanana mulweendo lwabo, eelyo nyenyeezi njobakabona nobakali Kujwe+ yakaunka kumbele lyabo kusikila yaakwiima aawo mpaakabede mwana.
10 Nobakaibona nyenyeezi eeyo bakakondwa kapati.
11 Lino nobakanjila muŋanda bakamubona mwana kali a Mariya banyina, eelyo bakafwugama akumukotamina. Alimwi bakagusya lubono lwabo akumupa zipego zyangolida, atununkilizyo2twiitwa kuti libano amuro.
12 Pele akaambo kakuti bakacenjezyegwa a Leza muciloto+ kuti batapiluki kuli Heroda, bakajokela kucisi cokwabo kubelesya nzila iimbi.
13 Nobakaunka, imungelo wa Jehova* wakalibonya muciloto kuli Josefa+ akumwaambila kuti: “Buka, bweza mwana abanyina utijile ku Egepita, ukakkale okuya kusikila nkakwaambile kuti upiluke, nkaambo Heroda uyanda kutalika kumuyandaula mwana kutegwa amujaye.”
14 Aboobo Josefa wakabuka masiku akubweza mwana abanyina akuunka ku Egepita.
15 Wakaakukkala okuya kusikila naakafwa Heroda. Eeci cakazuzikizya ceeco ncaakaamba Jehova* kwiinda mumusinsimi wakwe naakati: “Ndakaita mwanaangu kuzwa mu Egepita.”+
16 Lino Heroda naakabona kuti weenwa abasikupandulula bweende bwanyenyeezi, wakakalala kapati, mpoonya wakalailila kuti bana basankwa boonse mu Betelehemu amuzyooko zyanguwo zyoonse ibajisi myaka yakuzyalwa yobilo akuyaansi bajaigwe kweelana aciindi basikupandulula bweende bwanyenyeezi ncobakamwaambilide kuti noyakalibonya nyenyeezi.+
17 Eelyo akazuzikizyigwa majwi aakaambwa kwiinda mumusinsimi Jeremiya iwakati:
18 “Ijwi lyakamvwugwa mu Rama, kulila alimwi akoomoka. Ngu Rakele+ iwakali kulila bana bakwe, alimwi tanaakali kuyanda kuumbulizyigwa, nkaambo tabaciko pe.”+
19 Lino Heroda naakafwa, imungelo wa Jehova* wakalibonya muciloto+ kuli Josefa mu Egepita
20 akumwaambila kuti: “Buka, bweza mwana abanyina uunke kucisi ca Israyeli, nkaambo aabo ibakali kuyandaula buumi bwamwana bakafwa.”
21 Aboobo wakabuka akubweza mwana abanyina akuunka kucisi ca Israyeli.
22 Pele naakamvwa kuti Arikelao nguwakali kulela Judaya ikutali Heroda usyi, wakayoowa kuunka nkuko. Kunze lyaboobo, akaambo kakucenjezyegwa a Leza muciloto,+ wakaunka kucooko ca Galilaya.+
23 Wakasika akukkala mumunzi uutegwa Nazareta+ kutegwa azuzikizyigwe majwi aakaambwa kwiinda mubasinsimi kuti: “Uyootegwa muna Nazareta.”*+
Bupanduluzi buyungizyidwe
^ Amubone Bupanduluzi Bwamabala.
^ Naa “kuzoomukotamina.”
^ Naa “Mesiya; Munanike.”
^ Amubone Makani Aayungizyidwe A5.
^ Amubone Makani Aayungizyidwe A5.
^ Amubone Makani Aayungizyidwe A5.
^ Ambweni kuzwa kubbala lya Chihebrayo lyakuti “cisyuukila.”
