March 4-10
INTEMBAUZYO 16-17
Lwiimbo 111 Amupailo | Majwi Aantalisyo (1 min.)
1. “Jehova, Ikasensa Kangu Kabubotu”
(10 min.)
Kuba acilongwe abaabo babelekela Jehova kutupa kukkomana (Int. 16:2, 3; w18.12 26 ¶11)
Kuba acilongwe cibotu a Jehova kutupa kukkutila (Int. 16:5, 6; w14 2/15 29 ¶4)
Lukwabililo lwa Jehova lwakumuuya lutupa kulimvwa kukwabililwa (Int. 16:8, 9; w08 2/15 3 ¶2-3)
Mbubwenya mbuli Davida, tujisi buumi bulaampindu akaambo kakuti bukombi bwa Jehova, walo uli ngo Kasensa kesu kabubotu, ncintu ncotubikkila kapati maano mubuumi bwesu.
AMULIBUZYE KUTI, ‘Ino buumi bwangu buli buti lino ndabweelanya abuumi mbondakali kupona kanditanaiya kasimpe?’
2. Mbono Zyakumuuya
(10 min.)
-
Int. 17:8—Ino majwi aakuti “imboni yaliso lyako” aamba nzi? (w24.01 27 ¶6)
-
Ino nimbono nzi zyakumuuya nzyomwakajana mukubala Bbaibbele kwansondo iino nzyomukonzya kwaamba?
3. Kubala Bbaibbele
(4 min.) Int. 17:1-15 (th ciiyo 5)
4. Kutalisya Mubandi
(1 min.) KUŊANDA AŊANDA. Amwaabile kapepa kakutamba bantu ku Ciibalusyo. (th ciiyo 11)
5. Kutalisya Mubandi
(3 min.) KUŊANDA AŊANDA. Amwaabile kapepa kakutamba bantu ku Ciibalusyo. Ikuti mukamwiniŋanda watondezya luyandisisyo, amubandike kavidiyo kakuti Amuyeeye Lufwu lwa Jesu. (th ciiyo 9)
6. Kutalisya Mubandi
(2 min.) MUBUKAMBAUSI BWAMUKWIIZYA. Amwaabile kapepa kakutamba bantu ku Ciibalusyo. (th ciiyo 2)
7. Kugwasya Bantu Kuti Babe Basikwiiya
Lwiimbo 20
8. Mbuti Mbotukonzya Kulibambila Ciibalusyo?
(15 min.) Mubandi.
Akaambo kakuti tuyanda kumumvwida Jesu, mu Nsondo, March 24, tuyakwiibaluka lufwu lwa Jesu, ilwakali kujatikizya nzila zyobilo ziinda kubota nzyaakatondezya luyando. (Lk. 22:19; Joh. 3:16; 15:13) Mbuti mbotukonzya kulibambila muswaangano ooyu waalubazu?
-
Amusolekesye kusikila mpomugolela kutola lubazu mumulimo wakutamba bantu kumakani aalubazu alimwi aku Ciibalusyo. Amupange mulongo wabantu mbomuyanda kuyootamba, mpoonya mukabaambile. Ikuti mwajana muntu uutakkali mucilawo canu, amuunke a jw.org kutegwa mubone ciindi alimwi abusena nkociyoocitilwa Ciibalusyo mucilawo cabo
-
Mumwezi wa March alimwi a April, mulakonzya kuyungizya mulimo wanu mubukambausi. Sena inga mwacita bupainiya bwakugwasilizya bwamawoola aali 15 naa 30?
-
Mu March 18, tuyootalika kubala kujatikizya zintu ziyandika kapati zyakacitika munsondo yamamanino yabuumi bwa Jesu bwaanyika. Mulakonzya kusala nzyomukonzya kunoobala buzuba abuzuba mu “Mulongo Wakubala Bbaibbele lya Ciibalusyo Wamu 2024” uuli apeeji 6-7.
-
Mubuzuba bwa Ciibalusyo, amukeebelele pulogilamu yaalubazu ya Kukomba Kwamafwumofwumo a jw.org
-
Mubuzuba bwa Ciibalusyo amukabatambule aabo bayoojanika ciindi cakusaanguna alimwi abaabo batacisungweede. Amulibambile kuyakwiingula mibuzyo njobayoobuzya. Amupange bubambe bwakuyoobaswaya aabo bayoojanika kutegwa mukabagwasye kwiiya zinji
-
Kacitanacitika alimwi anociyakwiinda Ciibalusyo, amukajane ciindi cakuzinzibala kuyeeya kujatikizya cinunuzyo
Amweebelele VIDIYO yakuti Amuyeeye Lufwu lwa Jesu. Mpoonya mubuzye mubuzyo uutobela:
Mbuti mbotukonzya kwiibelesya vidiyo eeyi ciindi notutamba bantu ku Ciibalusyo?
9. Ciiyo ca Bbaibbele Cambungano
(30 min.) bt cibalo 6 ¶18-24, akabbokesi kali apeeji 48
