KUTALISYA MUBANDI
CIIYO 3
Luzyalo
Njiisyo: “Luyando . . . lulaaluzyalo.”—1Kor. 13:4.
Ncaakacita Jesu
1. Amweebelele VIDIYO, naa kubala Johane 9:1-7. Mpoonya mubandike mibuzyo iitobela:
-
Ino ncinzi Jesu ncaakasaanguna kucita, sena nkuponya mwaalumi naa nkumukambaukila makani mabotu?—Amubone Johane 9:35-38.
-
Ino nkaambo nzi Jesu mbwaakamweendelezya mwaalumi ooyu ncocakapa kuti cimuubile kutambula makani mabotu?
Ncinzi Ncotwiiya Kuli Jesu?
2. Muntu ulalangilwa kuutambula mulumbe wesu kuti wabona kuti tulamubikkila maano.
Amumwiiye Jesu
3. Amutondezye lweetelelo. Amweezyeezye mbwalimvwide muntu ooyo.
-
Amulibuzye kuti: ‘Ino ncinzi cimulibilisya? Ino makani nzi aakonzya kumugwasya?’ Kulibuzya mibuzyo iili boobu kulakonzya kumugwasya kutondezya luzyalo lwini-lwini.
-
Ikuti muntu wamwaambila mbwalimvwa kujatikizya cintu cimwi naa penzi limwi ndyajisi, mutaucinci mubandi pe. Pele amutondezye kuti mulamubikkila maano kwiinda mukumuswiilila.
4. Amwaambaule caluzyalo alimwi acabulemu. Ciindi nomutondezya lubomba kumuntu alimwi akuyanda kumugwasya ncobeni, uyoozyiba oobo kweelana ambolilimvwisya jwi lyanu. Amucenjele kujatikizya nzyomwaamba ambomuzyaamba, alimwi mutanikwaambi zintu zikonzya kumunyemya.
5. Amube bantu bagwasya. Amujane nzila mbomukonzya kumugwasya muntu cacigaminina. Ikuti twatondezya luzyalo kumuntu umwi, ulalangilwa kuzumina kubandika andiswe.
