Cibeela Cakwiinduluka Mumukwasyi

Ino Ncinzi Citako Acifwanikiso Eeci?

Amubale Matalikilo 13:5-17. Lino kamulanga acifwanikiso eeci. Nzyintu nzi zitako zyaambwa mulugwalo? Kamulemba bwiinguzi bwenu amizila iili ansi aawa. Kamutuswaanganya tudomwi kutobela manamba kutegwa mumaninizye cifwanikiso, mpoonya mucipente

1. ․․․․․

2. ․․․․․

[Cifwanikiso]

(AMubone bbuku lini)

● Bwiinguzi bwa “CIBEELA CAKWIINDULUKA MUMUKWASYI” buli apeeji 29

CIBEELA CAKUBANDISYANYA:

Ino kwakabuka mazwanga nzi akati kabasikweembela butanga bwa Abrahamu abasikweembela butanga bwa Loti? Kakunyina kubelesya busilutwe bakwe, ino mbuti Abrahamu mbwaakabamba luumuno?

KAAMBO KAGWASYA: Amubale Matalikilo 13:7-9.

Sena Abrahamu wakamubikkilila Loti akaambo kakubweza cibeela canyika icakali cibotu?

KAAMBO KAGWASYA: Amubale Matalikilo 14:12-16.

Ino Abrahamu wakalongezyegwa buti akaambo kakuba abube bwa Leza buli boobu?

KAAMBO KAGWASYA: Amubale Matalikilo 13:14-17.

Mbuti mbomunga mwatondezya kuti muli basikubamba luumuno?

KAAMBO KAGWASYA: Amubale 1 Bakolinto 13:4, 5; Jakobo 3:13-18.

ZYAKUCITA MUMUKWASYI:

Kakunyina kubandika, umwi wamumukwasyi ulakonzya kusobana cibeela camuntu umwi iwaambwa mucibalo cili mu Bbaibbele atala aawa. Bamwi banamukwasyi beelede kuyeeya kutegwa bamuzyibe muntu ooyo ngwaiminina.

 Kamuyobola Kutegwa Kamwiiya

Amutende, mupeteke, akuyobola

 BWIINGUZI KUMIBUZYO IILI AMAPEEJI 21

1. Ŋombe.

2. Mbelele.

KAKKAADI KAMAKANI AAMU BBAIBBELE 3 RUTE

MIBUZYO

A. Manizya majwi Rute ngaakaambila Naomi: “Bantu bako bayooba . . . ”

B. Mbuti Rute mbwali cikozyanyo cibotu kuli baabo balanganya baciswa alimwi abacembeede?

C. Kolemba mabala aayandika mumasena muli tweengo. Rute wakakwatwa kuli ․․․․․ akuba umwi wabamakaapanyina ․․․․․ alimwi a ․․․․․.

[Ccaati]

4026 B.C.E. 1 C.E. 98 C.E.

Adamu walengwa Wakapona kuma Bbuku lyamamanino lyamu

1200 B.C.E. Bbaibbele lyalembwa

[Maapu]

Wakalonga kuzwa ku Moabu kuya ku Betelehemu

MOABU

Betelehemu

RUTE

MAKANI AAJATIKIZYA NGUWE

Mukaintu mukamufwu uusyomeka muna Moabu iwakagwasya banyinazyala bacembeede ba Naomi. Luyando ndwaakajisi kuli Naomi alimwi aluyandisisyo ndwaakajisi lwakukomba Jehova zyakamukulwaizya kusiya munzi wakwabo akulongela ku Betelehemu. Bamwi bakaambila Naomi kuti: “Mukamwana wako . . . u[la]kubotela kwiinda bana balombe bali musanu ababili.”—Rute 4:14, 15.

BWIINGUZI

A. “. . . bantu bangu, a-Leza wako uyooba Leza wangu.”—Rute 1:16.

B. Rute wakatondezya muuya wakulyaaba alimwi wakali munkutwe.—Rute 2:7, 10-12, 17; 3:11.

C. Bowazi, Mwami Davida, Jesu Kristo.—Matayo 1:5, 6, 16.

KAKKAADI KAMAKANI AAMU BBAIBBELE 4 ESITA

MIBUZYO

A. Nguni mwami mukaintu ngwaakanjilila mubusena Esita?

B. Manizya kaambo aaka kali mu Bbaibbele: “Esther wakeza kumyoyo yabo . . . ”

C. Kolemba mabala aayandika mumasena muli tweengo. Izyina lya Esita lyaci Hebrayo wakali ․․․․․, alimwi mweeninyina mupati wakali ․․․․․ nguwakali kumulela.

[Ccaati]

4026 B.C.E. 1 C.E. 98 C.E.

Adamu walengwa Wakapona kuma Bbuku lyamamanino lyamu

400 B.C.E. Bbaibbele lyalembwa

[Maapu]

Esita wakali kukkala mu Susani, imunzi wabwami bwa Mediya a Persia

MEDIYA

Susani

PERSIA

ESITA

MAKANI AAJATIKIZYA NGUWE

Mucaala iwakazooba mukaintu wamwami waku Persia Ahasuera. Esita wakabikka buumi bwakwe muntenda kutegwa akwabilile bama Juda. (Esita 4:11, 15, 16) Busicamba, bupampu, alimwi amuuya wakulibombya wakalibonya kapati kwiinda ciwa cakwe cibotu.—Esita 2:7; 1 Petulo 3:1-5.

BWIINGUZI

A. Vasiti.—Esita 1:12; 2:16, 17.

B. “. . . boonse bakamubona.”—Esita 2:15.

C. Hadasa, Moodekai—Esita 2:7.

KAKKAADI KAMAKANI AAMU BBAIBBELE 5 ABRAHAMU

MIBUZYO

A. Ino Abrahamu wakajisi myaka yongaye Izaka naakazyalwa?

B. Ino Jehova wakamusyomezya nzi Abrahamu?

C. Kolemba mabala aayandika mumasena muli keengo. Akaambo kamilimo alimwi alusyomo, Abrahamu wakazyi kwiitwa kuti ․․․․․.

[Ccaati]

4026 B.C.E. 1 C.E. 98 C.E.

Adamu walengwa Wakapona kuma Bbuku lyamamanino lyamu

1900 B.C.E. Bbaibbele lyalembwa

[Maapu]

Wakalongela ku Kanana kuzwa Uri

Uri

Harani

KANANA

ABRAHAMU

MAKANI AAJATIKIZYA NGUWE

Mwaalumi uusyomeka iwakasiya dolopo lyakwe lya Uri kutegwa acite kuyanda kwa Leza nokuba kuti tanaakazyi nkwaakali kuyookkala. (Bahebulayo 11:8-10) Lyoonse wakali kuyiisya mukwasyi wakwe kuti ‘[kau]bamba inzila ya-Jehova akucita bululami ambeta.’ (Matalikilo 18:19) Ibbaibbele limwaamba kuti “[ngu]wisaabo boonse basyoma.”—Baloma 4:11.

BWIINGUZI

A. Wakajisi myaka iili mwanda.—Matalikilo 21:5.

B. Kwiinda mulunyungu lwakwe zisi zyoonse ziyoojana coolwe.—Matalikilo 22:16-18.

C. “Mulongwe wa Jehova.”—Jakobo 2:21-24.

KAKKAADI KAMAKANI AAMU BBAIBBELE 6 ABELO

MIBUZYO

A. Ino nguni wakamujaya Abelo?

B. Mbuti Jehova mbwaakamubona Abelo alimwi acituuzyo cakwe?

C. Kolemba mabala aayandika mumasena muli keengo. Abelo wakabeleka kali ․․․․․.

[Ccaati]

4026 B.C.E. 1 C.E. 98 C.E.

Adamu walengwa Wakapona kuma Bbuku lyamamanino lyamu

3900 B.C.E. Bbaibbele lyalembwa

[Maapu]

Mumuunda wa Edeni?

Wakali kupona kunze amuunda wa Edeni

ABELO

MAKANI AAJATIKIZYA NGUWE

Mwana musankwa wabili wa Adamu a Eva alimwi ngomwaalumi wakusaanguna uusyomeka uulembedwe mu Bbaibbele. Abelo wakali kuyanda kuti Leza acikkomanine akucitambula cituuzyo cakwe. Nokuba kuti Bbaibbele talyaambi cilicoonse kujatikizya nzyaakaamba Abelo, cikozyanyo cakwe alimwi alusyomo lwakwe ncitondezyo cibotu kulindiswe.—Matalikilo 4:1-11; Bahebulayo 11:4.

BWIINGUZI

A. Ngu Kaini, imwanookwabo.—1 Johane 3:11, 12.

B. “Wakabotelwa.”—Matalikilo 4:4.

C. Mweembezi.—Matalikilo 4:2.