Leza ulaswiilila. Bbaibbele litusyomezya kuti: “Jehova ulaafwaafwi abaabo boonse bamwiita, aabo boonse bamwiita mukasimpe. . . . Ulamvwa nobakwiilila lugwasyo.”—Intembauzyo 145:18, 19.

Leza uyanda kuti nywebo kamupaila kulinguwe. Bbaibbele litwaambila kuti: “Muzintu zyoonse, kwiinda mumupailo akukombelezya antoomwe akulumba, amumuzyibye Leza nzyomulomba.”—Bafilipi 4:6.

Leza ulamubikkila maano kapati. Leza ulizizyi zintu nzyotuyandika azitupa kulibilika alimwi uyanda kutugwasya. Bbaibbele lyaamba kuti: “Kamuwaala makatazyo aanu oonse kulinguwe, nkaambo ulamubikkila maano.”—1 Petro 5:7.