SINSIMUKA! No. 2 2018 | Nzila Izili 12 Zikonzya Kupa Kuti Mukwasyi Uzwidilile
Nzila Izili 12 Zikonzya Kupa Kuti Mukwasyi Uzwidilile
Inga tulamvwa zintu zinji izipa kuti mikwasyi imwi kaitazwidilili. Pele ino ncinzi cipa kuti imwi kaizwidilila?
Akati kamwaka wa 1990 awa 2015, mweelwe wabantu balekana mucisi ca United States wakayungizyika ziindi zyobilo kubantu bajisi myaka yakuzyalwa iinda ku 50 alimwi wakayungizyika ziindi zyotatwe kubantu bajisi myaka yakuzyalwa iinda ku 65.
Bazyali tabazyi cini ncobeelede kucita: Basyaazibwene bamwi bakulwaizya kuti bana beelede kulumbaizyigwa lyoonse, kakuli bamwi basyoma kuti bana beelede kubikkilwa milawo miyumu kutegwa bakomene kabotu.
Bakubusi balakomena akuba bapati kabatazyi milimo iikonzya kubagwasya kutegwa bazwidilile.
Nokuba boobo, bwini mbwakuti . . .
Cikwati cilakonzya kuba bubambe bukkomanisya alimwi ibuzumanana lyoonse.
Bazyali balakonzya kwiiya kubalaya bana babo munzila yaluyando.
Bakubusi balakonzya kwiiya milimo iikonzya kubagwasya baakukomena.
Munzila nzi? Magazini eeyi ya Sinsimuka! ilabandika nzila zili 12 zikonzya kupa kuti mukwasyi uzwidilile.
1: Kucibikkila Maano Cikwati
Nzila zyotatwe zigwasya izikonzya kupa kuti banabukwetene bazumanane kukkala antoomwe.
2: Kubelekela Antoomwe
Sena muntu ngomukwetene limwi uli mbuli muntu ngomukkala buyo limwi muŋanda yomwe kamutakwetene?
3: Kulemekana
Amwaazyibe majwi alimwi amicito izikonzya kupa kuti ngomukwetene limwi alimvwe kuti ulalemekwa.
4: Kulekelelana
Ncinzi cikonzya kumugwasya kutakubikkila maano kutalondoka kwamuntu ngomukwetene limwi?
5: Kubandika
Nzila zyotatwe zikonzya kumugwasya kumvwana kapati abana banu.
6: Kulaya
Sena lulayo lupa kuti mwana alimvwe kubula mpindu?
7: Bukkale Bubotu
Ino nzyeelelo zili buti nzyomweelede kuyiisya bana banu?
8: Cikozyanyo
Ikuti naa muyanda kuti majwi aanu abasike amoyo bana banu, ayelede kweendelana azintu nzyomucita nywebo.
9: Zyeelelo Nzyomutobela
Mbuti bakubusi mbobakonzya kwiiminina zintu nzyobasyoma?
10: Kusyomeka
Kusyomwa abazyali banu ninzila iiyandika kapati yakuba muntu usimide.
11: Kubeleka Canguzu
Kwiiya kubeleka canguzu nomucili bakubusi kulakonzya kumugwasya kuzwidilila muzintu zyoonse nzyomucita mubuumi.
12: Mbaakani
Kuzuzikizya mbaakani kulakonzya kumugwasya kuba basungu, kuyumya zilongwe nzyomujisi alimwi akuyungizya lukkomano lwanu.
Azimwi Zikonzya Kugwasya Mikwasyi
Lulayo lwamu Bbaibbele lulakonzya kumugwasya kutegwa cikwati canu cizwidilile alimwi akupona buumi bwamumukwasyi bukkomanisya.
