AMULANGILE!
Ciyumayuma—Ino Bbaibbele Lyaamba Nzi?
Cisi ca China cakapa lipooti yakuti mwaka uuno kwakali kupya kapati alimwi eeci nciindi catatu kuba aciyumayuma mucisi.”—The Guardian, September 7, 2022.
“Kwamwaka wasanu lino, zisi zimwi zyamu Africa zilacitikilwa ciyumayuma citaambiki.”—UN News, August 26, 2022.
“Kulangilwa kuba ciyumayuma muzisi ziinda kucisela mu Europe, alimwi kulangilwa kuti ciyumayuma eeci cinooli cikali kapati kwiinda cakacitikide mumyaka iili 500 yainda.”—BBC News, August 23, 2022.
Basyaazibwene banji baamba kuti ciyumayuma cili boobu cilazumanana mane buya akwiinda waawa. Sena kuli bulangizi buli boonse bwakuti zintu ziyoobota kumbele? Ino Bbaibbele lyaamba nzi?
Ciyumayuma abusinsimi bwamu Bbaibbele
Bbaibbele lyakasinsima zintu eezyi kujatikizya mazuba eesu:
“Mumasena aaindene-indene kuyooba nzala.”—Luka 21:11.
Kanji-kanji ciyumayuma cisololela kunzala. Mapenzi aaboola, kubikkilizya anzala alimwi alufwu, azuzikizya businsimi bwamu Bbaibbele.—Ciyubunuzyo 6:6, 8.
Kaambo ciyumayuma ncociyaabwiindila
Bbaibbele lilayubununa kaambo kapa kuti ciyumayuma kaciyaabwiindila. Lilati:
“Muntu weenda tapedwe nguzu zyakusololela noziba ntaamu zyakwe.”—Jeremiya 10:23.
Eeci caamba kuti bantu tabakonzyi ‘kusololela ntaamu zyabo,’ naa kulyeendelezya. Zintu nzyobasala kucita kanji-kanji nzyezisololela kuciyumayuma alimwi akubula kwameenda.
Basisayaansi banji balazuminizya kuti zintu nzyobacita bantu nzyezipa kukasaala kwanyika kwiindilide, calo capa kuti kakuli ciyumayuma nyika yoonse.
Bulyato alimwi amilawo yabantu batayeeyi zyakumbele, isololela kukunyonyoona masamu, kusofwaazyigwa kwanyika, alimwi akutabelesya kabotu zilengwaleza, aboobo eeci capa kuti tubule meenda.
Nokuba boobo, Bbaibbele lilapa bulangizi.
Sena kuli bulangizi buliko bwakumbele?
Bbaibbele lisyomezya kuti Leza uyoomanizya penzi lyakubula meenda. Mubuti?
1. Leza ‘uyoonyonyoona baabo banyonyoona nyika.’ (Ciyubunuzyo 11:18) Uyoonyonyoona cintu cipa kuti kakubula meenda, nkokuti bantu babi alimwi balyato balo ibacita zintu zinyonyoona nyika.—2 Timoteyo 3:1, 2.
2. “Nyika njumu nta iipya iyooba amazyiba aajisi matete.” (Isaya 35:1, 6, 7) Leza uyoozibambulula zintu zyakanyonyooka akaambo kaciyumayuma alimwi akucinca nyika eeyi kuba paradaiso mbotu iijisi masena mateteete.
3. “Yebo ulailanganya nyika, wiipa kuti izyale micelo minji kapati alimwi akuti ibote kapati.” (Intembauzyo 65:9) Akaambo kakulongezyegwa a Leza, nyika iyooba azyakulya zibotu alimwi kunooli meenda mabotu kubantu boonse.
Andiza Inga Mwaakkomanina Ayaaya
AMULANGILE!
Kupya Kwiindilide Nyika Yoonse—Ino Bbaibbele Lyaamba Nzi?
Sena kumbele kunoonyina bantu anyika?
MIBUZYO YAMU BBAIBBELE YAINGULWA
Sena Nyika Iyoonyonyoonwa?
Cakusalazya Bbaibbele lilaamba makanze ngajisi Leza kujatikizya nyika.
NJIISYO ZYAMU BBAIBBELE ZIYANDIKA
Ino Leza Wakailengela Nzi Nyika?
Nyika nimbotu kapati. Ibikkidwe abusena buli kabotu kapati kuzwa kuzuba, taisendekede kapati, alimwi taibaliki kapati ciindi noizinguluka. Nkaambo nzi Leza ncaakabikkila kapati maano ciindi naakali kupanga nyika?
MIBUZYO YAMU BBAIBBELE YAINGULWA
Ino Citondezyo ‘Camazuba Aamamanino,’ naa ‘Ciindi Camamanino’ Ninzi?
Bbaibbele lyakasinsima zintu zinji zinoocitika zyalo zinootondezya kuti tupona kumazuba aamamanino.
AMULANGILE!
Nyika Ilimukunyonyoonwa—Ino Bbaibbele Lyaamba Nzi?
Kapango kamwi kamu Bbaibbele kayubununa zintu zyotatwe kujatikizya izikonzya kunyonyoona nyika.
KUJATIKIZYA NDISWE
Amulombe Kuswaigwa
Amubandike mubuzyo wamu Bbaibbele, naa amwiiye zinji kujatikizya Bakamboni ba Jehova.
