Inzya, nkwaali. Madaimona ‘mbangelo ibakabisya,’ nzilenge zyamuuya zyakazangila Leza. (2 Petulo 2:4) Mungelo wakasaanguna kulipanga kuba daimona ngu Saatani Diabolosi, Bbaibbele ngolyaamba kuti “mweendelezi wamadaimona.”​—Matayo 12:​24, 26.

Buzangi mumazuba aa Nowa

 Bbaibbele lilaamba mbobakazanga bangelo Zambangulwe lyamumazuba aa Nowa, kalitanacitika noliti: “Bana ba-Leza bakabona bana basimbi babantu kuti mbabotu, nkabela bakakwata kufumbwa mbobakali kuyanda akati kabo.” (Matalikilo 6:2) Bangelo aaba babyaabi “bakasiya busena bwabo bwakukkala bubeelede” kujulu akusama mibili yabuntu kutegwa boonane abamakaintu.​—Juda 6.

 Nolyakatalika Zambangulwe, bangelo bazangi aaba bakaisiya mibili yabo yabuntu akupiluka kujulu. Nokuba boobo, Leza wakabatanda mumukwasyi wakwe. Kuyungizya akusubulwa ooko, madaimona taakonzyi kuba amibili yabuntu alimwi.​—Baefeso 6:​11, 12.