Mi Redi?
Mi Redi Long Autim Tok Wantaim Kongrigesen?
Yu redi long kamap pablisa i no baptais sapos yu . . .
Save stadi long Baibel, beten, na go long ol miting.
Laikim na bilipim ol samting yu wok long lainim na yu laik tokim ol arapela long en.
Laikim Jehova na stap pren bilong ol man i save laikim em.
Rausim pinis nem bilong yu long wanpela lain politik o wanpela lotu giaman em yu save bung wantaim ol.
Bihainim ol lo bilong Jehova na yu laik kamap wanpela Witnes Bilong Jehova.
Sapos yu pilim olsem yu redi long bung wantaim kongrigesen na autim tok, orait tisa bilong yu bai stretim rot long yu ken bung wantaim ol elda na ol bai stori wantaim yu long olsem wanem yu ken winim mak bilong mekim olsem.
Mi Redi Long Kisim Baptais?
Yu redi long kisim baptais sapos yu . . .
Wanpela pablisa i no baptais yet.
Insait long wok autim olgeta taim inap long skel bilong yu.
Sapotim na bihainim tok bilong “gutpela wokboi i gat savetingting.”—Matyu 24:45-47.
Dediketim yu yet long Jehova long rot bilong beten na yu laik mekim wok bilong em inap oltaim.
Sapos yu pilim olsem yu redi long kisim baptais, tisa bilong yu ken stretim rot bilong yu long bung wantaim ol elda na ol bai toktok wantaim yu long olsem wanem yu ken winim dispela mak.
