1. 1. SATAN DISPELA DEVIL. Satan, dispela bikhet ensel, em i as bilong pasin bilong heitim ol narapela em yumi lukim long nau. God bai bagarapim Satan na ol man husat i heitim ol narapela wankain olsem Satan.​—Buk Song 37:38; Rom 16:20.

2. 2. OL SAMTING NOGUT BILONG GRAUN BILONG SATAN. God bai pinisim olgeta samting nogut bilong dispela graun, na tu, ol bikman politik husat i no save mekim stretpela pasin na ol bikman bilong lotu em ol i kirapim ol man long heitim narapela. God bai pinisim tu ol bisnis i gat pasin gridi, pasin bilong paulim na kisim ol samting bilong ol narapela.​—2 Pita 3:13.

3. 3. OL MAN I GAT SIN. Baibel i tok olgeta man i kisim sin long Adam, olsem yumi save tingting, pilim, na mekim ol samting i no stret. (Rom 5:12) Sin i as bilong pasin bilong holim long tingting na kamapim pasin bilong heitim ol narapela. God bai helpim ol man long daunim ol dispela kain tingting na laik nogut na bai pasin bilong heitim ol narapela i pinis olgeta.​—Aisaia 54:13.

1. 1. NO GAT WANPELA BAI KARIM HEVI LONG PASIN I NO STRET. Kingdom Bilong God bai bosim dispela graun. Em bai stap long heven na mekim wok bos long stretpela pasin inap oltaim oltaim. (Daniel 2:44) Pasin bilong tingting nogut na bel nogut long ol man bilong ol narapela lain bai pinis. God bai stretim olgeta pasin i no stret i kamap long nau we i givim hevi long ol man.​—Luk 18:7.

2. 2. OLGETA MAN BAI I STAP BEL ISI WANTAIM. I no gat wanpela bai kisim hevi long pasin bilong pait na bagarapim man o woa. (Buk Song 46:9) Olgeta man bai i stap bel isi na sindaun gut wantaim long graun.​—Buk Song 72:7.

3. 3. OLGETA MAN BAI I STAP OLTAIM NA I NO GAT HEVI. Olgeta man long graun bai soim pasin laikim long narapela narapela. (Matyu 22:39) I no gat wanpela bai tingting planti o tingim bek ol samting nogut i bin painim ol. (Aisaia 65:17) Long dispela taim, ol man bai i no gat pasin bilong heitim narapela, ol bai “stap bel isi tru na dispela bai mekim ol i stap amamas moa yet.”​—Buk Song 37:11.

Yu laik stap long dispela kain taim? Long nau planti manmeri i bihainim ol stiatok bilong Baibel na ol i lusim pasin bilong heitim narapela. (Buk Song 37:8) Ol Witnes Bilong long olgeta hap bilong graun i mekim olsem. Maski ol i gat kain kain kalsa na sindaun, ol i stap wanbel wantaim na ol i laikim narapela narapela.​—Aisaia 2:2-4.

Ol Witnes Bilong Jehova i amamas long tokim ol narapela long ol samting ol i lainim long olsem wanem ol inap karim hevi bilong pasin i no stret ol man i mekim long ol na pasin bilong daunim ol. Ol samting yu lainim bai helpim yu long lusim pasin bilong heitim ol narapela na soim pasin laikim. Yu bai kisim save long hau yu ken mekim gutpela pasin long olgeta man—maski ol i no soim olsem ol i tenkyu o ol i soim olsem ol i heitim yu. Dispela bai mekim na yu bai stap amamas long nau na yu bai pas gut wantaim ol narapela. Bikpela samting moa, yu bai kisim save long wanem samting yu ken mekim bilong i stap aninit long Kingdom Bilong God taim pasin bilong heitim ol narapela i pinis olgeta.​—Buk Song 37:29.