Ol Hevi I Mekim na Yumi Wetim Gutpela Samting
Ol Hevi I Mekim na Yumi Wetim Gutpela Samting
“Long taim bilong las de, taim nogut bai kamap na dispela bai givim hatwok long ol man.”—2 TIMOTI 3:1.
OLSEM WANEM? Yu harim pinis—o yu lukim pinis—wanpela bilong ol dispela hevi?
● Wanpela sik nogut i kilim i dai planti man.
● Bikpela hangre i kilim i dai planti handret man.
● Bikpela guria i kilim i dai planti tausen man na planti i no gat haus moa.
Long ol pes i kamap bihain long dispela, bai yu skelim ol bikpela bagarap ol dispela hevi i bin kamapim. Bai yu kisim save tu olsem Baibel i tok profet long ol dispela samting bai kamap long wanpela haptaim em Baibel i kolim “taim bilong las de.” *
Tasol wok bilong ol dispela atikol i no bilong strongim bilip bilong yu olsem nau yumi stap long taim nogut, nogat. Ating yu yet i lukim ol dispela hevi. Ol dispela atikol i bilong helpim yu long wetim gutpela samting bai kamap bihain. Ol bai soim olsem truim bilong dispela 6-pela tok profet i makim olsem klostu nau dispela “taim bilong las de” bai pinis. Ol dispela atikol bai stori long tingting bilong planti man long ol samting i wok long kamap, na i stori long as na yumi ken bilip olsem klostu nau gutpela samting bai kamap.
[Futnot]
^ Bilong kisim save long as na God i larim ol dispela hevi i stap, lukim atikol “Bilong Wanem God i Larim Pasin Nogut na Pen na Hevi i Stap?” long pes 16 na 17 bilong dispela nius.
