Tipisalema 115:1-18
115 Yehovha Xikwembu xanga, hina a hi faneriwi hi nchumu, a hi faneriwi hi nchumu,*Kambe vangamisa vito ra wena+Hikwalaho ka rirhandzu ni ku tshembeka ka wena.+
2 Hikwalaho ka yini matiko ma fanele ma ku:
“Xikwembu xa vona xi kwihi?”+
3 Xikwembu xa hina xi le matilweni;Xi endla leswi xi tsakelaka ku swi endla.
4 Swikwembu swa vona i silivhere ni nsuku,Swi endliwe hi munhu.+
5 Swi ni nomu kambe a swi vulavuli;+Swi ni mahlo kambe a swi voni;
6 Swi ni tindleve kambe a swi twi;Swi ni nhompfu kambe a swi nun’hweteli;
7 Swi ni mavoko kambe a swi koti ku khoma;Swi ni milenge kambe a swi koti ku famba;+Nkolo wa swona a wu humesi mpfumawulo.+
8 Vanhu lava swi endlaka va ta fana na swona,+Ni hinkwavo lava va swi tshembaka.+
9 Tshemba Yehovha,+ wena IsrayeleI mupfuni wa wena ni xitlhangu xa wena.+
10 Tshemba Yehovha, wena ndyangu wa Aroni+
I mupfuni wa wena ni xitlhangu xa wena.
11 Tshembani Yehovha, n’wina lava chavaka Yehovha+I mupfuni wa n’wina ni xitlhangu xa n’wina.+
12 Yehovha wa hi tsundzuka naswona u ta hi katekisa;U ta katekisa vana va Israyele;+U ta katekisa vana va Aroni.
13 U ta katekisa lava va chavaka Yehovha,Lavatsongo ni lavakulu.
14 Yehovha u ta mi andzisa,N’wina ni vana* va n’wina.+
15 Onge mi nga katekisiwa hi Yehovha,+Muendli wa tilo ni misava.+
16 Loko ku ri matilo i ya Yehovha,+Kambe misava u yi nyike vanhu.+
17 Lava feke a va n’wi dzunisi Yehovha;+Hambi ku ri mani na mani la rhelelaka eku miyeleni ka rifu.+
18 Kambe hina hi ta dzunisa YehovhaKu sukela sweswi ni hilaha ku nga heriki.
Dzunisani Yehovha!*
Tinhlamuselo ta le hansi
^ Kumbe “Hina a hi na nchumu Yehovha, hina a hi na nchumu.”
^ Hi Xiheveru, “vana va majaha.”
^ Kumbe “Haleluya,” leswi vulaka “Dzunisani Yah.” Yah i nkomiso wa vito leri nge Yehovha.
