Tipisalema 56:1-13
Eka mufambisi; hi mayimbelelelo ya risimu leri nge, “Tuva Ro Miyela Leri Nga Ekule Swinene.” Miktami* ya Davhida. Hi nkarhi lowu a a khomiwe hi Vafilista eGati.+
56 Ndzi kombe tintswalo, Xikwembu xanga, hikuva vanhu va ndzi hlasela.
Siku hinkwaro va tshamela ku ndzi lwisa ni ku ndzi tshikilela.
2 Valala va mina va tshamela ku ndzi hlasela siku hinkwaro;Vo tala va lwa na mina va tikukumuxa.
3 Loko ndzi chava,+ ndzi tshemba wena.+
4 Eka Xikwembu, lexi ndzi dzunisaka rito leri xi ri vulekeNdzi tshemba Xikwembu; a ndzi chavi nchumu.
Xana munhu a nga ndzi endla yini?+
5 Siku hinkwaro va ndzi vangela maxangu;Va tshama va lava tindlela to ndzi vavisa.+
6 Va ndzi tumbelela leswaku va ta ndzi hlasela;Va tshama va langute leswi ndzi swi endlaka,+Leswaku va ta kuma ndlela yo ndzi dlaya.+
7 Va fularhele hikwalaho ka vubihi bya vona.
Wisa matiko hi vukarhi bya wena, Xikwembu xanga.+
8 U tiva ku tsendzeleka ka mina.+
Chela mihloti ya mina eguleni ra wena ra dzovo.+
Xana maxangu ya mina a ma tsariwanga ebukwini ya wena?+
9 Valala va mina va ta baleka hi siku leri ndzi nga ta kombela mpfuno eka wena.+
Leswi ndza tiyiseka ha swona: Xikwembu xi na mina.+
10 Eka Xikwembu, lexi ndzi dzunisaka rito ra xona,Eka Yehovha, loyi ndzi dzunisaka rito rakwe.
11 Ndzi tshemba Xikwembu; a ndzi chavi nchumu.+
Xana munhu a nga ndzi endla yini?+
12 Ndzi ta endla leswi ndzi ku tshembiseke swona, Xikwembu xanga;+Ndzi ta ku endlela magandzelo yo khensa.+
13 Hikuva u ndzi ponisile eka rifu+U endle leswaku ndzi nga khudlunyeki,+Leswaku ndzi ta famba emahlweni ka Xikwembu eku vonakaleni ka lava hanyaka.+
Tinhlamuselo ta le hansi
^ Vona Tinhlamuselo.
