Tipisalema 79:1-13
Miloti ya Asafa.+
79 Xikwembu xanga, matiko ma nghene etikweni ra wena;+Ma thyakise tempele ya wena yo kwetsima;+Ma hundzule muti wa Yerusalema nhulu ya maribye.+
2 Ma teke mitsumbu ya malandza ya wena ma yi nyika swinyenyanaNi nyama ya vanhu va wena vo tshembeka ma yi nyika swiharhi.+
3 Ma halate ngati ya vona ku fana ni mati eYerusalema,Naswona ku hava loyi a nga ta va lahla.+
4 Hi hundzuke xihlekiso eka vaakelani va hina;+Vanhu lava tshamaka ekusuhi na hina va hi hleka va tlhela va hi sandza.
5 Yehovha Xikwembu xanga, xana u ta hlundzuka ku fikela rini? Hilaha ku nga heriki?+
Xana vukarhi bya wena byi ta pfurha ku fana ni ndzilo ku fikela rini?+
6 Chululela vukarhi bya wena ehenhla ka matiko lama nga ku tivikiNi le henhla ka mifumo leyi nga ri vitaniki vito ra wena.+
7 Hikuva ma hlasele YakoboNaswona tiko rakwe ma ri endle rhumbi.+
8 U nga hi xupuli hikwalaho ka swidyoho swa vakokwa wa hina.+
Hatla u hi komba tintswalo,+Hikuva hi hetiwe matimba.
9 Hi pfune Xikwembu lexi hi ponisaka,+Hikwalaho ka vito ra wena leri vangamaka;Hi ponise u tlhela u hi rivalela* swidyoho swa hina hikwalaho ka vito ra wena.+
10 Hikwalaho ka yini matiko ma fanele ma ku: “Xikwembu xa vona xi kwihi?”+
Onge hi nga swi vona loko u rihisela ngati ya malandza ya wenaLeyi matiko ma yi halateke.+
11 Onge u nga twa ku konya ka mubohiwa.+
Tirhisa matimba* ya wena lamakulu leswaku u ponisa* lava gweviweke rifu.+
12 Yehovha Xikwembu, xupula vaakelani va hina ka nkombo+Hikwalaho ka leswi va ku rhukaneke.+
13 Kutani hina vanhu va wena, hina ntlhambi wa wena,+Hi ta ku khensa hilaha ku nga heriki;Naswona hi ta ku dzunisa hilaha ku nga heriki.+
