Yobo 14:1-22
14 “Munhu la velekiweke hi wansati,U hanya nkarhi wo koma+ naswona u taleriwe hi maxangu.+
2 U mila ku fana ni xiluva kutani a vuna;*+U baleka ku fana ni ndzhuti a nyamalala.+
3 Kunene u tshama u n’wi veke tihlo,Kutani u n’wi avanyisa.+
4 I mani la nga humesaka munhu la baseke eka munhu la nga basangiki?+
A nga kona!
5 Loko masiku ya yena ma pimiwile,Nhlayo ya tin’hweti takwe yi na wena;A nge hundzi mpimo lowu u n’wi vekeleke wona.+
6 U nga n’wi honoleli a ta wisa,Kukondza a heta ntirho wa siku+ ku fana ni mutirhi.
7 Hikuva ni murhi wu ni ntshembo.
Loko wu tsemiwa, wu ta tlhela wu hluka,Naswona swirhabyana swa wona swi ta ya emahlweni swi kula.
8 Loko rimitsu ra wona ro vuna ehansi ka misavaIvi xikundzu* xa wona xi fa,
9 Loko wo nun’hwetela mati wu ta hluka;Wu ta humesa marhavi ku fana ni ximilana lexintshwa.
10 Kambe munhu wa fa a nga ha koti ku endla nchumu;Loko munhu a fa, xana u kwihi?+
11 Mati ma nyamalala elwandle,Ni nambu wa phya, wu oma.
12 Munhu na yena wa etlela a nga ha pfuki.+
Kukondza tilo ri nga ha ri kona a va nge he pfuki,A va nge pfuxiwi evurhongweni bya vona.+
13 Onge u nga ndzi tumbeta+ eSirheni,*U ndzi tumbeta kukondza vukarhi bya wena byi hundza,Leswaku u ndzi vekela nkarhi kutani u ndzi tsundzuka!+
14 Loko munhu a fa, xana a nga tlhela a hanya?+
Ndzi ta rindza kukondza masiku ya vuhlonga bya mina ma hela,Kukondza ndzi tshunxiwa.+
15 U ta vitana, mina ndzi ta ku hlamula.+
U ta navela ku vona ntirho wa mavoko ya wena.
16 Kambe sweswi u tshamela ku hlaya goza rin’wana ni rin’wana ra mina;U languta xidyoho xa mina ntsena.
17 Xidyoho xa mina xi pfaleriwe enkwameni,U pfalele xihoxo xa mina hi xo damarheta.
18 Ku fana ni ntshava leyi waka yi tlhela yi hlanhlekaKutani ribye ri suka endhawini ya rona,
19 Ku fana ni mati lama khukhulaka maribye,Maboboma ya wona ma khukhula misava,U wu herise tano ntshembo wa munhu.
20 U tshamela ku n’wi hlula kukondza a fa;+U cinca ndlela leyi a langutekaka ha yona ivi u n’wi yisa esirheni.
21 Vana vakwe va xiximiwa kambe a nga swi tivi;Va tsongahatiwa kambe a nga swi xiyi.+
22 U twa ku vava ntsena loko a ha hanya;U konya ntsena loko a ha hanya.”
Tinhlamuselo ta le hansi
^ Kumbexana “tsemiwa.”
^ Kumbe “xigodo.”
^ Kumbe “eSheol.” Vona Tinhlamuselo.
