“Ndzi ta endla leswaku ku va ni rivengo eka wena ni wansati ni le ka vana va wena ni n’wana wa wansati. N’wana wa wansati u ta ku phyandlasa nhloko kasi wena u ta n’wi luma xirhendze.”

Genesa 3:15

“Tinxaka hinkwato leti nga emisaveni ti ta katekisiwa hikwalaho ka vana va wena, hikuva u ndzi yingisile.”

Genesa 22:18

“Mfumo wa wena a wu te. Ku rhandza ka wena a ku endleke emisaveni, hilaha ku endlekaka hakona ematilweni.”

Matewu 6:10

“Ku nga ri khale Xikwembu lexi nyikaka ku rhula xi ta pfotlosa Sathana ehansi ka milenge ya n’wina.”

Varhoma 16:20

“Loko swilo hinkwaswo swi ta va swi vekiwe ehansi ka yena, kutani N’wana na yena u ta tiveka ehansi ka Loyi a vekeke swilo hinkwaswo ehansi ka yena, leswaku Xikwembu xi va swilo hinkwaswo eka vanhu hinkwavo.”

1 Vakorinto 15:28

 “Kutani switshembiso swi vuriwe eka Abrahama ni le ka n’wana wakwe . . . , ku nga Kreste. Ku tlula kwalaho, loko mi ri vadyondzisiwa va Kreste, hakunene mi vana va Abrahama.”

Vagalatiya 3:16, 29

“Mfumo wa misava se i Mfumo wa Hosi ya hina ni wa Kreste wa yona naswona yi ta fuma hilaha ku nga heriki.”

Nhlavutelo 11:15

“Hiloko dragona leyikulu yi lahleriwa ehansi, ku nga nyoka ya khale, leyi vuriwaka Diyavulosi na Sathana, leyi hambukisaka misava hinkwayo; yi lahleriwa emisaveni ni tintsumi ta yona.”

Nhlavutelo 12:9

“Yi khoma dragona, nyoka ya khale, ku nga Diyavulosi na Sathana, yi n’wi boha ku ringana malembe ya 1 000.”

Nhlavutelo 20:2