Tipisalema 91:1-16
91 Mun’wani ni mun’wani lweyi a tshamaka ka ndhawu ya le xihundleni ya Lweyi A Nga Tlakuka+A ta va ka ndzhuti wa Lweyi Wa Matimba Hinkwawu.+
2 Ni ta byela Yehovha ni ku: “U xivhikelo xa mina ni ndhawu ya mina ya ku tiya,+Xikwembu xa mina lexi ni xi tshembaka.”+
3 Hikusa a ta ku ponisa ka ntlhamu wa muphasi wa swinyanyani,Ka ntungu lowu dlayaka.
4 A ta ku vhikela hi timpapa ta yena,U ta tumbela hansi ka timpapa ta yena.+
Ku tshembeka ka yena+ ku ta va xivhikelo xaxikulu+ ni khumbi leli vhikelelaka.
5 A wu nge chavi nchumu lexi chavisaka niwusiku,+Kumbe mpaxwa* lowu txopiwaka* ninhlikanhi,+
6 Kumbe ntungu lowu ngungumelaka ka munyama,Kumbe ku helisiwa na dlambu li yo baa!
7 Ku ta fa 1.000 wa vanhu tlhelweni ka wenaNi 10.000 ka voko la wena la xineneKambe wena a wu nge humeleliwi hi nchumu xa ku biha.+
8 Xa wena ku ta va ku txuvukisela ntsenaU vona lava ku biha na va khatisiwa.
9 Hikusa u te: “Yehovha i ndhawu ya mina ya ku tumbela,”
U yendle Lweyi A Nga Tlakuka a va ndhawu* ya wena ya ku tshama ka yona;+
10 A wu nge humeleliwi hi khombo,+Ni ntungu a wu nge tshineli ka tende la wena.
11 Hikusa a ta rhuma tintsumi ta yena+ ti ta ka wena,Swaku ti ku vonelela ka tindlela ta wena hinkwatu.+
12 Ti ta ku tlhamukela hi mavoko ya tona+Leswaku nenge wa wena wu nga tshuki wu ba ribye.+
13 U ta kandzihela xinghonyamani ni nyoka leyi nga ni vhenenu;*U ta psanya xinghonyamani ni nyoka yayikulu.+
14 Xikwembu xi te: “Ni ta mu ponisa hikusa wa ni rhandza.+
Ni ta mu vhikela hikusa a tiva vito la mina.+
15 A ta ni vitana, se mina ni ta mu hlamula.+
Ni ta va na yena loko a li ka mahlomulu.+
Ni ta mu ponisa, ni mu tlakusa.
16 Ni ta yendla swaku a hanya masiku ya manyingi,+Naswona ni ta yendla swaku a vona ndlela leyi ni ponisaka hi yona.”+
Tinhlamunselu ta le hansi
^ Kumbe: “flexa”.
^ Kumbe: “hahaka”.
^ Kumbexana: “ndhawu ya ku tumbela ka yona”.
^ Kumbe: “xivatlankombe.”
