Xikwembu xilava leswaku vanhu vatikhorisa hi wutomi laha misaveni. Ximahe misava ni swilo hinkwaswu leswinga ka yona hikuva xavarhandza vanhu. Kungalikhale, xitayendla xokarhi leswaku vanhu hinkwavu vava ni wumundzuku lelinene. Xitahelisa swilo hinkwaswu leswivangelaka vanhu kuhlupheka. — Lerha Yeremiya 29:11.

Aku na mfumu ni wun’we lowuswikoteke kuhelisa madzolonga, mavabyi kun’we ni lifu. Kambe hi lawa mahungu yotsakisa: kungalikhale, Xikwembu xitahelisa mimfumu hinkwayu ya vanhu ivi xiveka mfumu wa xona. Hinkwavu lavangata fumiwaka hi mfumu wa xona vatahanyisana hi kurhula naswona vatava ni lihanyu lelinene. — Lerha Esaya 25:8; 33:24; Daniyele 2:44.

Kuhlupheka kutahela ntsena loko Xikwembu xitahelisa vanhu vobiha laha misaveni. (Sofoniya 2:3) Xana sweswo switayendleka rini? Bibele liprofete hi swilo leswikarhataka vanhu nyamuntlha. Swilo swobiha leswimahekaka laha misaveni swikombisa leswaku nkama wa kuva Xikwembu xihelisa kuhlupheka wule kusuhi. — Lerha 2 Timotiya 3:1-5.

Hifanele hidjondza hi Xikwembu aRitweni la xona kunga Bibele. Hingalifananisa ni papila leli hitsaleliweke lona hi papayi lweyi ahirhandzaka. Bibele lihikomba ndlela leyi hingatikhorisaka ha yona hi wutomi lotsakisa swoswi ni ndlela leyi hingalikumaka ha yona wutomi lelingaheliki laha misaveni ka nkama lowutaka. Vanhu van’wana avangataswi tsakela kukuvona uli karhi upfuniwa kutwisisa Bibele, kambe awufanelanga uvapfumelela vakutshikisa kudjondza hi wumundzuku lelinene. — Lerha Swivuriso 29:25; Nhlavutelo 14:6, 7.