Wunghanu ni Xikwembu
Hilaha se hiswi voneke hakona ka nhlokomhaka ya kusungula, vanhu votala va teka Bibele li li buku lokwetsima. Loko va li lerha va tlhela va tirhisa leswi vaswi djondzaka ka lona, va titwa va li kusuhi ni Xikwembu naswona va sungula kutwisisa xikongomelo xa wutomi.
Bibele li tirhisa a rito lelinge “wumoya” kuhlamusela langutelo leli munhu angana lona hi wutomi. (Yudha 18, 19) Vanhu lava va kalaka vanga lavi kukongomisiwa hi Xikwembu va teka mavonelo ya vona mali ya lisima. Kuhambana ni leswo, lava va lavaka kukongomisiwa hi Xikwembu va teka minawu ya xona yi li ya lisima. — Vaefesa 5:1.
NTSHEMBO
LESWI BIBELE LISWI DJONDZISAKA: “Loko u hela mbilu hi siku la swikarhatu, matimba ya wena mata va matsongo.” — Swivuriso 24:10.
LESWI VULAKA SWONA: Loko u ni gome kumbe u tshamela kugodola, awungewu kumi ntamu wa kulangutana ni swikarhato swa wutomi. Kambe kuva ni tshembo swingaku pfuna leswaku u va ni ntamu lowu uwu lavaka. Loko hini ntshembo hitaswi twisisa swaku swikarhato swa hina i swa nkama nyana. Kuvula ntiyiso, kungahava ni swilo swa swinene leswingata humelela ndzeni ka swikarhato swoleswo.
LESWI UNGASWI YENDLAKA: Pimisa hi swilo swa kahle leswingata humelela ankameni lowu taka. Kuhambana ni kutshamela kukarhateka hi swilo leswingaha tshukaka swi humelela ankameni lowu taka kumbe kurindzela swaku swiyimu swiva hi ndlela leyi hetisekeke, yendla xokarhi leswaku u hetisisa swikongometo swa wena. Kuvula ntiyiso, “swiyendlakalo leswikalaka swinganyimeliwanga” swa humelela. (Eklesiasta 9:11) Hambi leswo, minkama yin’wani swilo swi huma kahle kutlula ndlela leyi hina ahiswi pimisa hi yona. Bibele li hlamusela mhaka leyi hi kutirhisa xikombiso xa murimi. Lona li li: “Bjala mbewu ya wena ni mixo naswona unga humulise voko la wena kufikela loko li pela; hikusa awuswi tivi swaku hi kwihi laha yingata mila kona, laha kumbe lahayani, kumbexana yita mila hinkwaku.” — Eklesiasta 11:6.
TINHLAMULU TA SWIVUTISO SWA LISIMA AWUTON’WINI
LESWI BIBELE LISWI DJONDZISAKA: “Ninyike kutwisisa . . . A ntsutsu wa rito la wena i ntiyiso”. — Tipisalema 119:144, 160.
LESWI VULAKA SWONA: Bibele li hlamula swivutiso leswi vanhu votala va talisaka kuswi vutisa. Hi xikombiso, li hlamula swivutiso swa kufana ni leswi
-
Hi huma kwihi?
-
Hi mhaka muni hi li laha?
-
Kuhumelela yini hi hina loko hi fa?
-
Kungava leswaku wutomi la kona hi loleli ntsena?
Vanhu votala amisaveni hinkwayu va yampsise wutomi la vona hi kukambisisa tinhlamulu ta swivutiso leswi ka Bibele.
LESWI UNGASWI YENDLAKA: Kambisisa hi wexe leswi Bibele liswi djondzisaka. Kombela mun’we wa Timboni ta Yehovha leswaku aku pfuna kutwisisa Bibele. Nghena ka site la jw.org kumbe u ya ka minhlanganu ya hina. I mahala naswona vanhu hinkwavu va yamukeliwa.
SWIN’WANI LESWI BIBELE LISWI DJONDZISAKA
Vona a vhidiyo lelinge: Hayini Ufanele U Djondza Bibele? Ka jw.org. La kumeka hi tirimi totlula 880 wa tona
TIVA SWAKU U NI XILAVEKO XA KUVA MUNGHANU WA XIKWEMBU.
“Vatsaka lavakhatalaka hi xilaveko xa vona xa moya [NW]”. — MATEWU 5:3.
DJONDZA SWOTALA HI XIKWEMBU.
“Leswaku valava Xikwembu . . . vaxikuma . . . [hikusa] axile kule ni mun’wana ni mun’wana wa hina.” — MINTIRHO 17:27.
LERHA U TLHELA U PIMISA HI RUNGULA LA BIBELE.
“Atsakela nawu wa Yehovha, a Naswona nawu wa Yena awulerha hi rito la le hansi wusiku ni nhlikanhi . . . Naswona hinkwaswu leswi angataswimahaka atahumelela.” — TIPISALEMA 1:2, 3.
a Yehovha i vito la Xikwembu leli tsaliweke aBibeleni.
