Xikwembu Xi Tirhise Ku Tiyentxekela Ka Swilo Swaku Xi Yentxa Minchumu Hinkwayu Leyi Hanyaka?
Nhlamulu ya Bibele
Ihim. Bibele li vula swaku Xikwembu hi xona xi nga yentxa vanhu, mixaka ya swiharhi ni minsinya. * (Genesa 1:12, 21, 25, 27; Nhlawutelo 4:11) Naswona li vula swaku vanhu hinkwavu va ta hi ka Adamu na Evha vapsali va hina va kusungula. (Genesa 3:20; 4:1) Bibele a li vuli swona swaku Xikwembu xi tirhise ku tiyentxekela ka swilo swaku xi yentxa minchumu hinkwayu leyi hanyaka leyi vanhu va yi vitanaka swaku i evolução teista kumbe ku tiyentxekela ka swilo loku ku taka hi ka Xikwembu. Bibele la pfumelelana ni leswi va cientista va swi vulaka swaku swiharhi swa muxaka wun’we swi nga txintxatxintxa. *
Xikwembu xi tirhise ku tiyentxekela ka swilo?
A “evolução teista” kumbe ku tiyentxekela ka swilo loku ku taka hi ka Xikwembu ku tlhamuseliwa hi tindlela ta tinyingi. A Enciclopédia Britânica loko li vulavula hi mhaka leyi li li: “Xikwembu xi tirhise ntumbuluku kumbe seleção natural swaku xi kongomisa ku tiyentxekela ka swilo.”
Lava va kholwaka ka evolução teista kumbe ku tiyentxekela ka swilo loku ku taka hi ka Xikwembu swi nga yentxeka va kholwa swaku:
Minchumu hinkwayu leyi yi hanyaka yi sukela ka nchumu xin’we lexi a xi li kona ku sukela khale.
Nchumu lexi hanyaka xi nga txintxa xi tiyentxa nchumu xin’wana, leswo swi vitaniwa macroevolução.
I Xikwembu xi swi kongomisaka hinkwaswu leswo.
A ku tiyentxekela ka swilo ka pfumelelana ni leswi Bibele li swi djondzisaka?
Ku tiyentxekela ka swilo loku ku taka hi ka Xikwembu kumbe evolução teísta, li vula swaku leswi Bibele li swi djondzisaka ka buku la Genesa a hi ntiyiso. Kambe, Yesu a vule swaku leswi nga tsaliwa ka Genesa i ntiyiso. (Genesa 1:26, 27; 2:18-24; Matewu 19:4-6) Bibele li vula swaku na Yesu a nge se ta misaveni, a a hanya matilweni naswona a pfune Xikwembu ku yentxa “swilo hinkwaswu” leswi nga kona. (Yohani 1:3) Leswaku Xikwembu xi tirhise ku tiyentxekela ka swilo swaku xi yentxa minchumu hinkwayu a swi twanani ni Bibele.
Hi nga vula yini hi leswi swiharhi ni minsinya swi kotaka ku hanya ka tindhawu ta ku hambana?
Bibele a li tlhamuseli swaku swiharhi kumbe minsinya swi nga txintxa ku fikela kwini. Naswona la pfumela swaku swiharhi kumbe minsinya swi nga txintxatxintxa swaku swi psalana kumbe swi hanya ka ndhawu yin’wana. Hambileswi van’wana va swi vitanaka ku tiyentxekela ka swilo, kambe ku txintxatxintxa koloko a ku nge yentxi swaku ku humelela muxaka wun’wana wa minchumu leyi hanyaka.
^ par. 1 Bibele li tirhisa rito leli nge “mixaka” leli nga ni ntlhamuselo wa wukulu ku tlula rito leli nge “muhlovo” kumbe espécie leli va cientista va li tirhisaka. Leswi va cientista va ngo i ku tiyentxekela ka muhlovo wun’wana, i ku txintxatxintxa ntsena ka muxaka wolowu wa wu’nwe hi lani Bibele li swi vulaka hi kona ka buku la Genesa.
^ par. 1 Minkama yin’wana loko va vulavula hi ku txintxa loku va li i microevolução.
Ni Mhaka Leyi Yi Ta Ku Tsakisa
HI TIVI
Kombela Ku Yendzeliwa Hi Timboni Ta Yehovha
Vona swivutiso leswi Bibele li swi hlamulaka, kumbe u djondza swilo swaswinyingi hi Timboni ta Yehovha.