Ihim. Hina a hi tinyiki nkama wa ku kambisisa mafilmi, mamuzika kumbe mabuku man’wani swaku hi kota ku veka swinawanawani swa leswi swi faneleke swi sixtiriwa kumbe swi nga sixtiriwi. Hi mhaka muni?

A Bibele li hi djondzisa ku trenara ‘matimba ya hina ya ku twisisa’ swaku hi ta kota ku langa leswi nga swinene ni leswi kalaka swi nga li swinene. — Vaheberu 5:14.

A Matsalwa ma ni matshinya ya minawu lawa ma kongomisaka Mukreste leswaku a kota ku langa leswi a nga ta hungata hi swona. Minkama hinkwayu ka wutomi la hina, xikongomelo xa hina i ku tiyiseka hi “leswi tsakisaka Hosi.” a — Vaefeza 5:10.

Bibele li djondzisa swaku tinhloko ta mindjangu hi tona ti rhangelaka mindjangu ya tona. Hi mhaka leyo, ti nga langa swaku mindjangu ya tona yi fanele yi hungata hi yini. (1 Vakorinto 11:3; Vaefeza 6:1-4) Kambe a ku na munhu lweyi a nga ni mfanelo ya ku langa mafilmi, kumbe mamuzika lawa Timboni ta Yehovha ti faneleke ti fambela kule na wona. — Vagalatiya 6:5.