“Oburwaire bw’omutwe omu nsinganto bweyongiire—kandi tukyetegeriize ngu ekirukukirayo kubuleeta niyo emikura y’okubalizaaho.”—Dr. Vivek Murthy, mukuru wa ba dakitaali abarukusemeza omu U.S. New York Times, Juuni 17, 2024.

 Abazaire nibasobora bata kulinda abaana baabo hali akabi akaleetwa emikura y’okubalizaaho? Baibuli eha obuhabuzi oburukukonyera.

 Tekerezaaho emisingi ya Baibuli enu.

 “Omuntu omwekengi arora muno omuhandagwe.”—Enfumo 14:15.

 Habwokuba emikura ey’okubalizaaho n’esobora kusiisa omwana waawe, otehurra ngu osemeriire kuleka omwana waawe kugikozesa. Otakaikiriize omwana waawe kukozesa emikura y’okubalizaaho, kigumye ngu naija kumanya nambere asemeriire kugarukira, aikale aine abanywani abarungi kandi naayetantara ebintu ebitasemiire.

•   Kusobora kumanya ebirukukiraho, soma ekicweka ekiine omutwe “Omwana Wange Asemeriire Kukozesa Emikura y’Okubalizaaho?” hamu n’ekicweka “Kwegesa Omwana Waawe Kukozesa Kurungi Emikura y’Okubalizaaho.”

 ‘Kozesa kurungi obwire bwawe.’—Abefeso 5:16.

 Kakuba oikiriza omwana waawe kukozesa emikura y’okubalizaaho, muteereho ebiragiro ha mulingo asemeriire kugikozesa, kandi omusoborre omulingo biramulinda. Ikara n’oyetegereza engeso z’omwana waawe obu ziraaba nizihinduka, nukwo osobole kurora obu oraaba osemeriire kumuteraho obugarukiro ha mulingo akozesaamu emikura y’okubalizaaho.

•   Kozesa Vidiyo Ezirumu Kuteera Obusisani Kozesa Emikura ey’Okubalizaaho omu Mulingo gw’Amagezi kukonyera omwana waawe kwetegereza nk’oku kikuru kumuteraho obugarukiro.

 Baibuli egamba ngu tuli omu ‘biro eby’akabi kaingi.’ (2 Timoseo 3:1-5) Ha murundi nugwo gumu, eha obuhabuzi obutahwa ha mulembe kandi obusobora kutukonyera kugumiisiriza. Haroho ebicweka ebirukuhingura 20 ebirukusigikirra ha Baibuli ebisobora kukonyera abazaire hamu n’abaana baabo ebirukusangwa omu kicweka kinu ebirukukwata ha burwaire bw’ebitekerezo omu nsinganto.