Kwega Baibuli rugendo orurugamu ebirungi. Baitu orugendo runu nirusobora kutanguha. Obwire obumu n’osobora kwekaguza obworaaba noija kusobora kugumizaamu n’oyega Baibuli. Noija kugasirwa ota obw’orayekamba kugumizaamu n’oyega? Kiki ekirakukonyera kugumizaamu n’obuharaabaho ebirukugonza kukulemesa?

1. Habwaki kwega Baibuli ky’omugaso?

“Ekigambo kya Ruhanga kyomezi, kyamani.” (Abaheburaniya 4:12) Baibuli y’omugaso habwokuba n’eyoleka entekereza hamu n’enyehurra za Ruhanga hali iwe. Ekukonyera kutunga okumanya, amagezi, hamu n’okunihira. Ekirukukirayo obukuru, Baibuli ekukonyera kufooka munywani wa Yahwe. Obwoyega Baibuli, oba n’ogiikiriza kukukonyera kuba n’obwomeezi oburungi.

2. Habwaki kikuru kwetegereza omugaso ogw’amananu agali omu Baibuli?

Amananu agali omu Baibuli gali nk’itungo ery’omuhendo. Enu niyo nsonga habwaki Baibuli etutererra eti: “Gura amazima, kandi oleke okugatunda.” (Enfumo 23:23) Obutwikara nitutekerezaaho omugaso gw’amananu agali omu Baibuli, twekamba kwikara nitwega n’obuhabaho ebirukugonza kutulemesa.​—Soma Enfumo 2:4, 5.

3. Yahwe n’asobora ata kukukonyera kugumizaamu n’oyega?

Yahwe Omuhangi wawe ow’obusobozi bwona kandi Munywani wawe, n’agonza kukukonyera kumwegaho. N’asobora kukuha “amani” agorukwetaaga kwega ekigambo kye. (Soma Abafiripi 4:​13.) Nahabweki, obwire obumu kakuba ohurra n’ogonza kutunga amaani ag’okugumizaamu n’oyega rundi kuteeka omu nkora eby’oyegere, Yahwe n’asobora kukukonyera. Kakuba oba noyetaaga amaani agarukukiraho kusobora kusingura ebizibu rundi okuhakanizibwa, n’asobora kugakuha. Ikara n’osaba Yahwe butoosa akakukonyere kugumizaamu n’oyega Baibuli.​—1 Abasesalonika 5:17.

 YEGA EBIRUKUKIRAHO

4. Okwega Baibuli kitwale nk’ekikuru

Obwire obumu twehurra ngu twine bingi muno eby’okukora kandi ngu titwine bwire obw’okwega Baibuli. Kiki ekisobora kutukonyera? Baibuli n’egamba ngu “mumanye ebintu ebirukukira obukuru, nukwo mwikalege abatanyina bugobya kandi abatakutabaijura abandi kuhikira kimu ha kiro kya Kristo.” (Abafiripi 1:​10, “NWT”) Mubazeeho ebikaguzo binu:

• Notekereza bintu ki ebimu “ebirukukira obukuru” omu bwomeezi?

• Kiki eky’osobora kukora kwoleka ngu okwega Baibuli kikuru muno hali iwe?

1. Kakuba bbaketi ogitekamu omusenyi kandi okalengaho kwongeramu amabaale, amabaale tigarukwija kuhikamu

2. Kakuba obanzaamu amabaale, noija kutunga nambere orateeka omusenyi. Omu mulingo nugwo gumu kakuba oyebembeza ebirukukira obukuru omu bwomeezi bwawe, noija kusobora kubihikiriza kandi otunge n’obwire obw’okukora ebintu ebindi

Kwega Baibuli kitukonyera kuhikiriza ekyetaago kyaitu eky’okumanya Ruhanga hamu n’okumuramya. Musome Matayo 5:3, kandi hanyuma mubazeeho ekikaguzo kinu:

• Tugasirwa tuta obututwara okwega Baibuli nk’ekintu ekikuru?

 5. Gumizaamu n’obworahakanizibwa

6. Wesige Yahwe Kukukonyera

 OYEGERE KI?

N’obukiraaba ngu obwire obumu kwega Baibuli tikyanguha, nikisobora kukukonyera kwegondeza omu bwomeezi ebiro n’ebiro. Gumizaamu n’oyesiga Yahwe, kandi naija kukuha empeera.

Kweijukyamu

• Habwaki amananu kuruga omu Baibuli g’omuhendo hali iwe?

• N’osobora ota kwebembeza ebintu ebirukukira obukuru?

• Habwaki osemeriire kusaba Yahwe kukukonyera kugumizaamu n’oyega Baibuli?