Ruhanga Nakufaaho
BAIBULI erumu obuhabuzi oburukirrayo kimu oburungi habwokuba n’eruga hali Ruhanga. Tikiri kitabu ky’obujanjabi baitu n’esobora kutukonyera obutuba twetuntwire, nitwehurra kubi omu mubiri n’omu bitekerezo, rundi nitutalibanizibwa oburwaire bw’omutwe.
Ekirukirayo obukuru, Baibuli etugumya ngu Omuhangi waitu, Yahwe Ruhanga, a ayetegereza kurungi ebitekerezo byaitu n’enyehurra zaitu kukira omuntu ondi wena. Ayetekaniize kutukonyera obututunga ebizibu. Ekyokurorraho, tekerezaaho ebyahandiikirwe binu bibiri ebirukuhuumuza:
“[Yahwe] aikara haihi nabo abomutima ogucwekere, abajuna abanyakuina omutima oguzizire.”—ZABULI 34:18.
“Nyowe, [Yahwe] Ruhanga wawe ndikwata omukono gwawe ogwobulyo ninkugambira nti otatina; ndakukonyera.”—ISAYA 41:13.
Yahwe atukonyera ata obutuba nitutalibanizibwa oburwaire bw’omutwe? Nk’oku orarora omu bicweka ebirukuhonderaho, Yahwe atwoleka ngu n’atufaaho omu miringo nyingi.
a Yahwe niryo ibara lya Ruhanga.—Zabuli 83:18.
