KASI VIKAŴAKO VYEKHA?
Woko Lakuzizika la Octopus
Mainjiniya gha maloboti ghakupanga chisulo chakovwira madokotala kuchita opareshoni mu malo ghafinyi chomene mu thupi kwambura kukelura chomene thupi. Chisulo icho ŵakupanga ŵali kutolera woko la octopus ilo likupindika mwambura kusuzga.
Wonani fundo iyi: Octopus wangabwaka, kukora, na kufyenya vinthu na tumawoko twake 8 uto tukunyulumphuka na kuthifuka, nanga mungaŵa mu malo ghafinyi chomene. Octopus wangagoŵeskera tumawoko twake mu malo ghakupambanapambana kweniso wanganonopeska tuvigaŵa twa mawoko ghake umo wakhumbira.
Ŵakaswiri ŵakugomezga kuti para ŵangapanga loboti lakuyana waka lingaŵawovwira chomene pakuchita opareshoni kwambura kucheka chomene munthu. Chisulo ichi chingawovwira kuti mulwari waleke kuchitika opareshoni yikuru chomene.
Wonani umo octopus wakuthifulira tumawoko twake
Woko lanthena ili ŵali kupanga kale ndipo ŵakuligwiliskira ntchito mu maopareshoni ghakusambilirapo waka. Lwande limoza la woko la mamilimita 135 ili linganyamura na kukolera tuviŵaro tutechi twamukati kwambura kutunanga, apo lwande linyake likuchita opareshoni. Dr. Tommaso Ranzani, yumoza wa ŵanthu awo ŵakapanga chisulo ichi wakayowoya kuti, “tikugomezga kuti uku nkhwamba waka ndipo tipangenge vinyake viwemi vyakuŵa na tunthu tunyake twapachanya.”
Woko lakulipwitika lakuchita kupanga lizamovwira chomene pakuchita opareshoni
Kasi mukuti wuli? Kasi woko la octopus likaŵako lekha? Panji likachita kulengeka?
Panji Mungatemwa Kuŵerengaso Nkhani Izi
MABUKU
Kasi Vyamoyo Vikachita Kulengeka?
Ivyo mukugomezga pa nkhani yakuti vyamoyo vikachita kulengeka panji vikachita kusintha vili na ntchito.
MABUKU
Umoyo Ukaŵako Wuli?—Mafumbo 5 Agho Tikwenera Kujifumba
Wonani ivyo ukaboni ukulongora ndipo sankhani mwekha usange mugomezgenge kuti umoyo ukachita kusintha panji kulengeka.
KASI VIKAŴAKO VYEKHA?
Muchira wa Kahachi Kamumaji
Kahachi kamumaji nkhasomba kweni kali na muchira uwo ngwakuzizika chomene, ndipo ungawovwira chomene awo ŵakupanga maloboti.