Kasi Mukughanaghana Kuti Vinthu Viŵenge Wuli Kunthazi?
Kasi caru . . .
cikhalilirenge nthena?
cihenipirengehenipirenge?
ciŵengeko makora?
IVYO BAIBOLO LIKUYOWOYA
“Ciuta . . . wazamufyura sozi lililose ku maso ghawo, ndipo nyifwa yizamuŵakoso cara, nesi kutengera panji kutampha nesi vyakuŵinya vizamuŵakoso cara. Vinthu vyakale vyafumapo.”—Uvumbuzi 21:3, 4, Mang’anamuliro gha Caru Ciphya.
VYANDULO IVYO MUZAMUSANGA CIFUKWA CA LAYIZGO ILI
Nchito yiwemi kweniso yakukhorweska.—Yesaya 65:21-23.
Umoyo wambura kulwara panji suzgo linyake lililose.—Yesaya 25:8; 33:24.
Umoyo wamuyirayira na kukondwa na mbumba yinu na ŵabwezi ŵinu.—Salmo 37:11, 29.
KASI TINGAGOMEZGA NADI IVYO BAIBOLO LIKUYOWOYA?
Enya. Pali vifukwa vinandi, kweni tiyowoyengepo viŵiri:
Ciuta wali na nkhongono kucita ivyo walayizga. Mu Baibolo, ni Yehova Ciuta pera uyo wakucemeka “Wankhongonozose,” cifukwa wali na nkhongono zambura cigoti. (Uvumbuzi 15:3) Mwantheura, wangacita ivyo walayizga. Wasinthenge caru kuti ciŵe ciwemi. Nga umo Baibolo likuyowoyera, “kwa Ciuta vinthu vyose ni vyamacitiko.”—Mateyu 19:26.
Ciuta ngwakukhumbisiska kufiska ivyo walayizga. Mwaciyelezgero, Yehova ‘ngwakunweka’ kuwuska ŵanthu awo ŵali kufwa.—Job 14:14, 15.
Baibolo likuyowoyaso kuti Yesu wakacizganga ŵalwari. Cifukwa wuli wakacitanga nthena? Cifukwa wakakhumbanga. (Mariko 1:40, 41) Yesu wakatolera nkhanira ndendende wunthu wa Awiske. Nayo wakakhumbisiskanga kovwira awo ŵakusuzgika.—Yohane 14:9.
Mwantheura, tikukayika yayi kuti Yehova na Yesu ŵakukhumba kutovwira kuti tizakaŵe na umoyo uwemi kunthazi!—Salmo 72:12-14; 145:16; 2 Petrosi 3:9.
FUNDO YAKUTI MUGHANAGHANIREPO
Kasi Ciuta wazamucita wuli kuti wasinthe vinthu pa caru kuti viŵe makora?
Baibolo likuzgora fumbo ili pa MATEYU 6:9, 10 na DANIEL 2:44.
Panji Mungatemwa Kuŵerengaso Nkhani Izi
GONGWE LA MULINDA
Unenesko Pakuyowoya za Ivyo Vichitikenge Munthazi
Lutilirani kugomezga vinthu ivyo Chiuta wali kuyowoya kuti vichitikenge pa charu chapasi munthazi kweniso manyani ŵanthu awo ŵazamuŵamo.
NKHANI ZINYAKE
Chigomezgo Chakuti Kunthazi Vinthu Vizamusintha
Chifukwa wuli ivyo Baibolo likulayizga vikupambana chomene na ivyo ŵanthu ŵakulayizga panji kuyowoyerathu?
VISAMBIZGO VYAKUZIRWA VYA MU BAIBOLO
Kasi Ufumu wa Chiuta Ni Vichi?
Pa uteŵeti wake wa pa charu chapasi, Yesu wakapharazga chomene vya Ufumu wa Chiuta. Kwa vyaka vinandi, ŵalondezgi ŵake ŵalutilira kulomba kuti Ufumu uwu wize.
GONGWE LA MULINDA
Kasi Ufumu wa Chiuta Uzamufiska Vichi?
Yesu wakamanyanga kuti ni Ufumu wa Chiuta pera uwo ungamazga masuzgo pa charu chapasi. Kasi ni vichi ivyo Ufumu wa Chiuta uli kuchita kale ndipo ni vichi ivyo ufiskenge?
MANYANI VYA ISE
Pemphani Kuti Musambirenge Baibolo
Dumbiskanani fumbo la mu Baibolo, panji manyani vinandi vyakukhwaskana na Ŵakaboni ŵa Yehova.
