Mafumbo gha Baibolo Ghazgoleka
Kasi mbanjani ŵazamuluta kucanya ndipo ŵamucitaci?
Ŵanthu ŵanandi ŵakugomezga kuti ŵazamuluta kucanya. Kweni Yesu wakati ŵapositole ŵake ŵakugomezgeka ndiwo ŵamukhala kucanya. Pambere Yesu wandafwe, wakaŵalayizga kuti wamuŵanozgera malo pamoza na Awiske kucanya.—Ŵazgani Yohane 14:2.
Cifukwa wuli ŵanthu ŵanji ŵazamuluta kucanya? Kasi ŵamucita vici? Yesu wakaphalira ŵapositole ŵake kuti ŵamuŵa mathemba. Ndipo ŵazamuwusa caru capasi.—Ŵazgani Luka 22:28-30; Uvumbuzi 5:10.
Kasi ŵanthu ŵawemi wose ŵazamuluta kucanya?
Mu vyaru muli ŵanthu ŵanandi, kweni awo ŵakuwusa mbacoko waka. Ŵanthu awo ŵakuluta kucanya ŵazamuwusa caru capasi pamoza na Yesu, ntheura nawo mbacoko waka. (Luka 12:32) Baibolo likutiphalira unandi wa ŵanthu aŵa.—Ŵazgani Uvumbuzi 14:1.
Yesu wali kuŵanozgera malo ŵalondezgi wake ŵanji kucanya. Kasi mukumanya ico ŵamucita?
Kweni ni awo ŵakuluta kucanya pera yayi awo ŵazamutumbikika. Ŵanthu wose awo ŵakujilambika ku Ufumu wa Ciuta, ŵazamukondwa na umoyo wamuyirayira mu paradiso pa caru capasi. (Yohane 3:16) Ŵanji ŵazamunjira ŵamoyo mu paradiso para ŵazakapona pharanyiko la mgonezi uheni uwu. Kweni ŵanji ŵazamucita kuwuskika ku ŵakufwa.—Ŵazgani Salmo 37:29; Yohane 5:28, 29.
Panji Mungatemwa Kuŵerengaso Nkhani Izi
MAFUMBO AGHO BAIBOLO LIKUZGORA
Kasi Mbanjani Ŵakuluta Kuchanya?
Ŵanthu ŵanandi ŵakugomezga utesi wakuti ŵanthu ŵawemi wose ŵakuluta kuchanya. Kweni kasi Baibolo likusambizga vichi?
