Nga umo mwawonera, ulongozgi wa mu magazini iyi wafuma mu Baibolo. Mu Baibolo muli ulongozgi uwemi uwo ungawovwira waliyose mu banja kuti vinthu viyendenge makora. Fundo zake zingawovwira munthu kuti waghanaghanenge makora kweniso kuti wasankhenge makora vinthu.—Zintharika 1:1-4.

BAIBOLO LIKUZGORASO MAFUMBO NGA GHAKUTI:

•  Chifukwa wuli tili na umoyo?

• Kasi Chiuta ndiyo wakwambiska masuzgo?

• Ntchivichi chikuchitika para munthu wafwa?

Tikumupemphani kuti mufufuze mwekha mu Baibolo kuti musange mazgoro gha mafumbo agha na ghanyake ghanandi. Wonelerani vidiyo ya mutu wakuti Chifukwa Wuli Mukwenera Kusambira Baibolo? Lutani pa jw.org.