ALA MAI! Napa 1 2022 | Se Lalolagi e ‵Fonu i Fakalavelave—Mea e Mafai ne Koe o Fai
I te taimi e gasolo aka o ma‵sei a tulaga i te lalolagi, e momea aka foki te tokouke o tatou e logo‵mae i ikuga fakama‵taku o fakalavelave o te natula mo fakalavelave ne fakamāfua aka ne tino. Tauloto ki mea e mafai ne koe o fai i vaegā tulaga faiga‵ta penā kae ke fakafeoloolo aka ei a te pokotia masei o koe mo ou tino pele.
Se Lalolagi e ‵Fonu i Fakalavelave—Ne a Au Mea e Mafai o Fai?
Kafai ko tupu se fakalavelave, ke loto fiafia o gasuesue mo te poto o puipui koe mo tou kāiga.
1 | Puipui Tou Ola ‵Lei
Kafai e puipui faka‵lei ne koe tou ola ‵lei, e mafai ei o momea aka te faigofie ke fakafesagai atu ki se tulaga faigata.
2 | Fakaaoga Faka‵lei Au Tupe
Ko te fakaaoga faka‵lei o au tupe, ko te mafai ne koe o fa‵ki māfai ko tupu se matugā fakalavelave.
3 | Fakamalosi Aka a Va Fealofani
Mafaufau ki manatu fesoasoani ke puipui tou olaga fakatauavaga, ou taugasoa, mo tou fesokotakiga mo au tama‵liki.
4 | Mafaufau Faeloa ki Tou Fakamoemoega
E fesoasoani mai te Tusi Tapu ke mafai o fa‵ki i fakalavelave o te olaga kae tuku mai foki i ei a te fakamoemoega mō aso mai mua.
I te Lōmiga Tenei o te Ala Mai!
Faitau ki mataupu kolā e mafai o fesoasoani ke iloa ne koe mo tou kāiga a mea e mafai o fai māfai ko ‵tupu a fakalavelave kolā e pokotia i ei a tino.
