FESILI I TE 2
E Mafai Pefea o Tauloto ne Koe a Mea e Uiga ki te Atua?
“A te tusi o te Tulafono tenei e se ‵tau o mavae kea‵tea mai tou gutu, kae ‵tau mo koe o faitau ki ei i se leo malalo i te ao mo te po, ko te mea ke mafai o fakalogo faka‵lei koe ki mea katoa kolā e tusi i loto i ei; kae ka manuia ei ou auala kae ka gasuesue foki koe mo te poto.”
“Kae ne tumau eiloa latou i te faitauatuga o te tusi i se leo maluga, mai te Tulafono a te Atua tonu, kae fakamatala faka‵lei atu kae fakamalamalama atu a mea i ei; tenā ne fesoasoani atu eiloa latou ki tino ke malama‵lama i mea kolā ne faitau mai.”
“E fiafia a te tagata telā e se sasale e ‵tusa mo pati fakatonutonu a tino amio ma‵sei . . . , kae e fiafia a ia ki te tulafono a Ieova, kae e faitau a ia ki Tena tulafono i se leo malalo i te ao mo te po. . . . Kae ko mea katoa e fai ne ia ka manuia eiloa.”
“Ne tele atu a Filipo i tafa o te kaliota kae lagona ne ia me e faitau a tou tagata ki te tusi a te pelofeta ko Isaia, fai atu ei a ia: ‘E malamalama koe i au mea e faitau?’ Ana muna: ‘E mafai pefea o malamalama au, māfai e seai se tino e fesoasoani mai ki a au?’”
“E lavea faka‵lei atu ana uiga sē lavea talu mai te faitega o te lalolagi, me e mafai o lavea atu i ana mea ne faite, ke oko eiloa ki tena ‵mana telā e seai sena gataga mo tena tulaga e pelā me ko te Atua, ko te mea ke seai se lotou fakamasakoga ki ei.”
“Mafaufau ‵loto ki mea konei; ke ‵goto ifo ki loto i tou loto, ko te mea ke lavea ‵lei ne tino katoa tou gasolo ki mua.”
“Ke na mafau‵fau tatou te suā tino ki te suā tino o fakama‵losi atu ke fakatau a‵lofa kae fai a mea ‵lei, ke mo a ma ‵galo sāle tatou i ‵tou fakatasiga.”
“Kafai se tino i a koutou e se lava te poto i a ia, ke fakamolemole atu faeloa a ia ki te Atua, me e tuku atu ne ia mo te kaimalie ki tino katoa e aunoa mo te mafaufau ki olotou mea ‵se ne fai, kae ka tuku atu eiloa te mea tenā ki a ia.”
