Mika 3:1-12
3 Na mekae sɛ: “Mepa mo kyɛw, muntie, Yakob atitiriwNe Israel fi atumfo.+
Ɛnyɛ mo na anka ɛsɛ sɛ muhu nea ɛteɛ?
2 Nanso mukyi papa+ na modɔ bɔne;+Moworɔw me nkurɔfo ho were, na mowae wɔn nnompe ho nam.+
3 Mowe me nkurɔfo honam nso,+Na moworɔw wɔn were fi wɔn ho,Mububu wɔn nnompe mu, na mutwitwa mu nketenkete,+
Te sɛ nnompe a wɔde gu dadesɛn* mu noa, te sɛ nam a egu kwansɛn mu.
4 Saa bere no, wobesu afrɛ Yehowa sɛ ɔmmoa wɔn,Nanso ɔremmua wɔn.
Ɔde n’anim behintaw wɔn saa bere no,+Wɔn nneyɛe bɔne nti.+
5 Eyi ne asɛm a Yehowa aka atia adiyifo a wodi me nkurɔfo anim ma wɔfom kwan no,+Wɔn a wonya biribi de wɔn se ka* a,+ wɔka sɛ ‘Asomdwoe!’+Nanso sɛ obi amfa biribi anhyɛ wɔn anom a, wɔde ɔko tentam no:*
6 ‘Ade bɛsa mo;+ morennya anisoadehu biara;+Esum nko ara na ɛbɛba mo so, na morenhyɛ nkɔm a ɛyɛ atoro bio.
Owia bɛtɔ wɔ adiyifo no so,Na adekyee adan sum ama wɔn.+
7 Adehufo ani bewu,+Na nkɔmhyɛfo nsa asi fam.
Wɔn nyinaa bɛkata wɔn mfemfem so,*Efisɛ wɔrennya mmuae biara mfi Onyankopɔn hɔ.’”
8 Nanso me de, Yehowa honhom ama tumi ayɛ me ma;Ama atɛntrenee ne akokoduru ayɛ me ma,Sɛ menka Yakob atuatew nkyerɛ no, na memma Israel nhu ne bɔne.
9 Mepa mo kyɛw muntie eyi, mo, Yakob fi atitiriwNe mo, Israel fi atumfo,+Mo a mukyi atɛntrenee na mokyea nea ɛteɛ nyinaa,+
10 Mo a mode mogyahwiegu kyekye Sion na mode amumɔyɛ kyekye Yerusalem.+
11 Emu atitiriw* gye adanmude* bu atɛn,+Emu asɔfo kyerɛkyerɛ gye akatua,+Na emu adiyifo hyɛ nkɔm a ɛyɛ atoro gye sika*+
Nanso wɔde wɔn ho to Yehowa so* ka sɛ:
“Ɛnyɛ Yehowa na ɔka yɛn ho yi?+
Mmusu biara remma yɛn so.”+
12 Mo nti,Wobefuntum Sion sɛ afusaase,Yerusalem bɛyɛ abo akuwakuw,+Na Ofi no bepɔw* no bɛyɛ sɛ kwae mu nkoko.+
Ase Hɔ Nsɛm
^ Anaa “dadesɛn a ano so.”
^ Ebetumi nso akyerɛ, “sɛ wonya biribi we.”
^ Nt., “wohyira ɔko wɔ no so.”
^ Anaa “bɛkata wɔn ano.”
^ Anaa “wɔka sɛ wɔde wɔn ho to Yehowa so.”
^ Anaa “dwetɛ.”
^ Anaa “braeb.”
^ Nt., “eti.”
^ Anaa “asɔrefi no bepɔw.”
