Ua haere te hoê taata hiˈopoa a te hau i te hoê vahi i patuhia ˈi te hoê Piha a te Basileia i te hoê tuhaa oire o Sydney i Auteralia. Ua parau oia: “I te pae o te panoonoo ore, hoê teie o te mau vahi paturaa maitai roa ˈˈe ta ˈu i ite mea maoro i teie nei.”

Ua papai te taata hiˈopoa: “Mea nahonaho maitai tera vahi. . . . Mea mâ e te vai ra te vahi au mau no te tomo e no te haere i rapae. Ua tarouhia te mau niuniu uira i nia i te mau mea eita oe e haruhia te uira e ua ineine te mau mohina tupohe auahi. . . . E piriaro rima roa to te taata atoa, e piripou avae roa e e titia mata parururaa atoa. . . . Mea mǎrû mau ratou.”

Ua parau Victor Otter, te taata haapao i te vahi paturaa: “Mea faufaa roa no te mau Ite no Iehova te parau o te parururaa. Ma te haapao i te reira, te faatura nei matou i to te Atua manaˈo i te ora e e ohipa ˈtu â matou ma te au e te oaoa. I muri aˈe i te hoê mahana ohipa rohirohi, e pinepine au i te hoˈi i te fare ma te mata ataata.”

Ua faaoti te paturaa o te Piha a te Basileia 127 parahiraa i Eperera 2012.