I Tiunu 2022, ua faaite te peretiteni o te amuitahiraa o te mau fare moni (World Bank Group): “Te fifihia ra te faanavairaa faufaa na te ao nei. Ua maraa taue noa te moni o te maa e te taihaa. I te hoê â taime, ua iti mai te moni a te rahiraa o te taata. Aita ïa ratou e nehenehe e hoohoo faahou.”

 Teie ta te Afata faufaa a te ao nei i tapao: “Ua maraa taue te moni o te mori e te maa a ati atu ai to te mau fenua navai ore.”

 Te tauturu ra te Bibilia ia tatou ia taa no te aha tatou e faaruru ai i teie mau fifi i te pae o te faanavairaa faufaa, e nafea ia faaoromai i te reira e eaha te ravea papu roa.

•    Te pii ra te Bibilia i te tau ta tatou e ora nei “te mau mahana hopea.”—Timoteo 2, 3:1.

•    Ua parau o Iesu e itehia “te mau mea riaria” i taua mau mahana ra. (Luka 21:11) E riaria te taata ia maraa te moni hoo. E haapeapea ratou no ananahi e no to ratou utuafare.

•    Ua tohu te buka Apokalupo e e maraa te moni o te maa i taua anotau ra. “Faaroo atura vau mai te hoê reo . . . i te parauraa: ‘Hoê kilo sitona, hoê ïa denari.’”—Apokalupo 6:6. a

 No te ite atu â no nia i “te mau mahana hopea” e te parau tohu o te buka Apokalupo, a mataitai i te video Ua taui te ao mai te matahiti 1914 e a taio i te tumu parau “Na taata faahoro puaarehenua: Te auraa o teie orama.”

•    “E hamani ratou i te fare e e ora ratou i roto. E tanu ratou i te vine e e amu ratou i te hotu. Eita ratou e hamani i te fare ia parahi te tahi atu i roto, eita atoa ratou e tanu ia amu vetahi ê i te hotu.”—Isaia 65:21, 22.

•    “E rahi te huero maa i nia i te fenua. E manii te reira na nia i te mau tupuai mouˈa.”—Salamo 72:16.

•    “‘No te mea te haavîhia ra te feia e ahoaho ra, no te mea te autâ ra te feia veve, e tia vau a ohipa ˈtu ai,’ te parau mai ra Iehova.”—Salamo 12:5. b

 Fatata te Atua i te faaore i te fifi i te pae o te faanavairaa faufaa na te ao atoa, eiaha no te tahi noa mau fenua. No te ite eaha ta ˈna e rave, a taio i te tumu parau “Peut-on espérer un système économique plus juste?”

 I teie â mahana, e nehenehe te Bibilia e tauturu mai ia faaruru i te maraaraa o te moni hoo. E nafea? Te horoa mai ra te Bibilia i te aratairaa e nafea ia faaohipa maitai i te moni. (Maseli 23:4, 5; Koheleta 7:12) No te ite atu â, a taio i te mau tumu parau “Protégez vos moyens de subsistances” e “Comment vivre avec moins.”