Tei roto i te Bibilia te mau aˈoraa maitai roa ˈˈe. Ia tamau oe i te taio, i te feruri maite e i te haapao i te Bibilia, i “reira ïa oe e manuïa ˈi i roto i to oe oraraa.” (Iosua 1:8; Salamo 1:1-3) E haapii atoa oe o vai te Atua e ta ˈna Tamaiti o Iesu e maoti te reira e nehenehe oe e fanaˈo i te ora mure ore.—Ioane 17:3.

Eaha te faanahoraa maitai aˈe no te taio i te Bibilia? Tei ia oe noa. E nehenehe oe e haamata mai te Genese haere roa ˈtu i te Apokalupo. E nehenehe atoa oe e maiti i te mau buka o te faatia ra hoê â tupuraa aore ra aamu. Ei hiˈoraa, e taio paha oe i te mau pene e faatia ra i ta te Atua mau haaraa i nia i te nunaa Iseraela. E nehenehe atoa oe e taio i te mau pene o te faaite ra e mea nafea te amuiraa Kerisetiano i te haamataraa e i te rahiraa mai. Mai te peu e taio oe hoê tuhaa o teie tapura i te mau mahana atoa, e taio ïa oe i te Bibilia taatoa i te matahiti hoê.

E tauturu teie tapura taioraa Bibilia ia oe ia haamata i te taio i te Bibilia i te mau mahana atoa aore ra ia taio i te Bibilia taatoa i te matahiti hoê. A nenei i teie tapura taioraa Bibilia e a haamata i ta oe taioraa.